Bıylǵy jartyjyldyqta nan-toqash, makaron ónimderi men unnan jasalǵan kondıterlik ónimderdi óndirý kólemi 111 mlrd teńge bolǵan, bul aldyńǵy jylmen salystyrǵanda 11,8%-ǵa az kórsetkish.
Jyl boıy nan baǵasy 6%-ǵa qymbattaǵan, dep habarlaıdy Almaty-akshamy.kz Energyprom.kz saıtyna silteme jasap.
Jalpy, nan, makaron jáne unnan jasalǵan kondıterlik ónimder óndirisiniń tómendeýi baıqalady.
Jańa pisken nan óndirisi 21,3%-ǵa azaıǵan, ıaǵnı 266,6 myń tonnaǵa deıin. Makaron ónimderi, kespe, kýskýs jáne basqa un ónimderiniń shyǵarylýy da 17,9%-ǵa, 75,6 myń tonnaǵa deıin tómendedi.
Uzaq saqtaýǵa arnalmaǵan torttar men kondıterlik ónimderdiń óndirisi 17,7%-ǵa 13,9 myń tonnaǵa deıin azaıǵan. Tek qana pechene, kondıterlik ónimder men saqtaýǵa tózimdi pırojnyılar óndirisinde bolmashy ósim baıqalady - 0,8% -ǵa, ıaǵnı 56,5 myń tonnaǵa deıin.
Sonymen qatar, nan baǵasy bir jyl ishinde birden 5,9% ósti. Qara bıdaı men bıdaı nany 9,2%-ǵa qymbattady. Makaron ónimderi 10,3%-ǵa qymbattady, onyń ishinde kespe ónimderi 11,6%-ǵa ósti. Nan-toqash jáne unnan jasalǵan kondıterlik ónimder 8,2% qymbattady.