Tereńózek aýylynyń mańynda naızaǵaı túsip, bir úıir jylqy qyrylyp qaldy, dep habarlaıdy Almaty -akshamy. kz 24.kz-ke silteme jasap.
Bul Jambyl oblysynyń Turar Rysqulov aýdanyndaǵy taýly aımaq. Jurtshylyq endi aqadal malynyń aqysyn kimnen óndirerin bilmeı dal. Buǵan zań qalaı qaraıdy? Mamandar ne deıdi? Nurbolat Myrzaqulov 20 jyldan beri baqsha egip mal sharýashylyǵymen aınalysady. Sharýa osydan 2 jyl buryn 3,5 mıllıon teńge kólemindegi jeńildetilgen nesıege jylqy satyp alady. Biraq oqys oqıǵadan 10 jylqysy ólip, qorasy qańyrap qaldy. Sharýa mundaı jaǵdaıdyń aımaqta alǵash ret bolǵanyn aıtady.
Nurbolatpen qosa aýyldaǵy 7 úıdiń 26 bas jylqysyn naızaǵaı sulatyp túsirigen. Ólgen maldyń qunyn kimnen daýlaryn bilmeı basy qatqan turǵyndar aýdan ákimdiginen kómek surap otyr.
«Bárimizdiń qarap otyrǵanymyz bir mal basy odan basqa túgimiz joq endi shyny kerek. Brýselez bolsa aýrý shyqsa malǵa, oǵan aýdan ákimshiligi tóleýshi edi. Sondaı kómek bola ma degen nıetpen. Sol ótemaqy sol kómek bizge óte qajet bolyp tur», - deıdi Tereńózek aýylynyń turǵyny Jandarhan Mamytbekov.
Jergilikti bılik ókilderiniń sózinshe, resmı tótenshe jaǵdaı jarıalanǵan jaǵdaıda jáne mal arasynda jappaı aýrý taraǵan kezde, shyǵyndar memleket tarapynan óteledi. Al qazirgideı sırek jaǵdaı tereń zerdeleýdi qajet etedi deıdi.
«Dál osy oryn alǵan jaǵdaıǵa sáıkes. Ol qanshalyqty, qalaı iske asý kerek? Ol úshin arnaıy aýdan ákiminiń tapsyrmasymen komısıa qurylǵan. Komısıa quramyna quzyrly organdar men zańger mamandar engizilip otyr. Qazir zerdeleý jumystary júrgizilýde. Másele aýdan ákimdiginiń turaqty baqylaýynda», - deıdi T. Rysqulov aýdany ákiminiń orynbasary Álibek Terlikbaev.
Qazir aýyldyq ákimdik pen veterınarlardan qurylǵan arnaıy jasaq, qandaı da bir aýrý taramaý úshin ólekselerdi sol taý shatqalynda kómip jatyr. Sebebi jylqylar jaıylǵan bıiktikke kólikpen jetý múmkin emes.