Atmosferalyq frontaldy bólimder QR aýmaǵynyń basym bóliginde aýa raıynyń turaqsyzdyǵyna alyp keledi. Naızaǵaı soǵyp, daýyl turyp, arty búrshaqqa ulasady dep kútilýde. Elimizdiń ońtústik-shyǵysyndaǵy taýly aımaqtarynda qatty nóser jaýady. Al respýblıkanyń batysynda, ońtústik-batysynda, soltústik-batysynda, respýblıkanyń ortalyǵynda antısıklon sileminiń áserinen jaýyn-shashyn jaýmaıdy, dep habarlaıdy aqshamnews.kz «Qazgıdromet» RMK baspasóz qyzmetine silteme jasap.
Respýblıka boıynsha jel kúsheıip, soltústikte, soltústik-batysta, eldiń ortalyǵynda tańerteń jáne túnge qaraı tuman túsedi.
«Abaı, Ulytaý, Batys Qazaqstan, Atyraý, Mańǵystaý, Qyzylorda, Aqtóbe, Almaty, Shyǵys Qazaqstan, Qaraǵandy, Jetisý oblystarynda joǵary órt qaýpi kútiledi», - dep eskertti sınoptıkter.