Almatydaǵy N.Sas atyndaǵy balalar teatrynda «Mádenıet jáne ulttyq salt dástúr» kúnine oraı 200 jýyq dombyrashy jınalyp, qazaq kúılerin oryndady.
Keń dalany meken etken qazaq jurtynyń eń aıaýly da qasıetti mýzykalyq aspaby dombyranyń birde kúmbirlegen, birde shertilgen oıly dybysy qulaqqa jaǵymdy, júrekke jaqyn, onyń kúmisteı syńǵyrlaǵan úni talaı syrdyń basyn qaıyrady. Symdaı tartylǵan qos ishekten san ǵasyrdyń san alýan sıpaty aqyl-oıy, kóńil kúıi jatyr. Dombyra – kóshpeli eldiń kónekóz shejiresi, kópti kórgen qarıanyń kókirek kúıi.
Merekelik is-sharada memlekettik “Damý bala” baǵdarlamasy aıasynda úıirmege qatysýshy oqýshylar jınalyp, “Adaı”, “Erke sylqym”, “Balbyraýyn” sıaqty tanymal týyndylardy oryndady.
Negizi mundaı sharalar keleshek urpaqty ulttyq qundylyqtarymyzdy qadirleýge tárbıeleıdi. Sonymen qatar, osy aksıanyń arqasynda dombyra úırenýge degen jastardyń qyzyǵýshylyǵy artary anyq.
Eske sala keteıik, bıyl áz-Naýryz merekesi jyldaǵydan erekshe ótýde. Endeshe atadan-balaǵa mura bolyp sarqylmaı jetken ulttyq qundylyqtarymyzdy áli de jandandyra, jarqyrata túsýimiz kerek ispetti!
