Ókinishke qaraı, jedel medısınalyq qyzmet kelgenshe bir adam qaıtys boldy.
Ekeýine sol jerde medısınalyq kómek kórsetilip, ambýlatorlyq emdeýge jiberildi.
Zardap shekken qalǵan 22 adam qalalyq aýrýhanalarǵa jetkizildi, báriniń jaǵdaıy ortasha aýyr, dep habarlaıdy Almaty-akshamy.kz.
Zardap shekkender arasynda 14, 15 jáne 16 jastaǵy úsh jasóspirim de bar. Olardyń jaǵdaıy da ortasha aýyrlyqta: bir balanyń tizesi men ishi kógergen, ekinshisinde muryn súıeginiń jabyq synýy, al úshinshisinde oń aıaǵynyń jabyq synýy oryn alǵan.
Qazir naýqastar qajetti em-dom men tekserýden ótip jatyr. Sodan keıin kimge stasıonarlyq em qajet ekeni, kimniń turǵylyqty jeri boıynsha ambýlatorlyq emdelýge jiberiletini belgili bolady.
Barlyq naýqasqa qajetti medısınalyq kómek tolyq kólemde kórsetiledi.
Esterińizge sala keteıik, buǵan deıin Almatyda jolaýshylar mingen avtobýs apatqa ushyrap, bir adam qaza tapqanyn habarlaǵan bolatynbyz.