Ǵasyrlar qoınaýy ashylýda
Egıpettegi pıramıdanyń túbinen Heopstyń kemesi tabyldy, dep habarlaıdy Almaty-akshamy.kz. 24.kz-ke silteme jasap.
Arheologtar Gızadaǵy pıramıdanyń astynan perǵaýyn Heopstyń kemesin tapty. Zamandastary ony Kún qaıyǵy dep ataıtyn. Mamandar bul qaıyqty 15 jyl boıy izdegen. Perǵaýyn Heopsty sońǵy saparyna attandyrǵan birinshi Kún qaıyǵyn arheologtar ótken ǵasyrdyń 1950 jyldary tapqan bolatyn. Sonda pıramıdalar túbinde taǵy bir úńgirdi kórgen. Biraq opyrylyp qalady dep, qazýǵa bata almaǵan. Tek eki myńynshy jyldardyń basynda arnaıy tehnıkamen jumysqa kirisip ketti. 15 jyldan keıin ǵalymdar arnaıy shuqyrdan kemeni tiregen 2 myńǵa jýyq aǵash bólshegin shyǵaryp aldy.
Pıramıdalar túbinde tabylǵan eksponattardyń barlyǵy murajaı zertteýshilerine tabystaldy. Muqıat zerttegennen keıin ǵalymdar myńdaǵan jylda shirip ketken qaıyqty qaıtadan qurastyrýǵa tyrysady. Osydan keıin ol Egıpettiń Úlken mýzeıine qoıylady. Sondaǵy ortalyq zaldardyń birin tek Heops kemelerine bóledi.