Tyshqannyń ata jaýy – mysyqtyń da artyqshylyqtary kóp.
Máselen, mysyqtardyń júregi bizdikimen, ıaǵnı adamdarmen salystyrǵanda eki ese jyldam soǵady. Olar dirilge óte sezimtal. Adamǵa qaraǵanda, jer silkinisin 10–15 mınýt buryn sezedi.
Mysyqtyń denesinde 230 súıek bar, al bizde 206 súıek. Álemde eń baı mysyq ta bar. Aty – Blekı. Oǵan qojaıyny Ben Rı 15 mıllıon fýnt sterlıń mura qaldyryp ketken kórinedi. Al Dastı esimdi mysyq urpaq sany boıynsha rekord ornatyp, kitapqa engen. Ol óz ómirinde 420 marǵaý týǵan.
Gınnestiń rekordtar kitabyna engen eń aýyr mysyqtyń aty – Himmy. Ol Avstralıanyń Kvınslend shtatynan. 21 keli salmaqpen rekordtar kitabyna engen mysyq 10 jyl ómir súrgen.
Mysyqtar, ádette, 20 jylǵa deıin ómir súredi, bul kórsetkish adamdarda 96 jasqa teń. Shotlandıada Taýzer atty mysyqtyń qurmetine ornatylǵan eskertkish munara bar. Ol óz ómirinde shamamen 30 myń tyshqan aýlaǵan.
Mysyqtardyń ıtterden aıyrmashylyǵy, olar táttige qumartpaıdy. Urǵashylary, ádette, jerdi oń tabanymen qazsa, erkek mysyqtar sol tabanymen qazady.
Mysyqtar shamamen 100 túrli dybys shyǵarady. Al ıtter tek 10 túrli dybys shyǵara alady. Ejelgi Egıpette úı mysyǵy ólgen kezde, otbasy músheleri qastaryn qyryp, ony joqtap, qaıǵyrǵan. Olar sondaı-aq, mysyq ólgen kezde sharap iship, keýdelerin uryp, jerleý rásimin ótkizgen.