Myń jyldyq tarıhy bar oıyn

Almatyda toǵyzqumalaqtan oqýshylar arasynda  álem chempıonaty aıaqtaldy

Almatyda ADD ústel tenısi ortalyǵynda tórt kún boıy tórtkúl dúnıeden jıylǵan oqýshylar arasynda Toǵyzqumalaqtan álem chempıonaty (U-15, U-17) uıymdastyryldy.

Toǵyzqumalaqtan rapıd pen blıs túrinen mektep oqýshylary arasyndaǵy jahandyq jarysqa 16 elden: Qazaqstan, Ózbekstan, Túrkıa, Rýmynıa, Vengrıa, Ispanıa, Qyrǵyzstan, Polsha, Tájikstan, Mońǵolıa, Reseı, Túrkimenstan, Chehıa, Kolýmbıa, t.b. elderden kelgen 63 sportshy ul-qyz qatysty.

Myń jyldyq tarıhy bar ulttyq oıyn  toǵyzqumalaq – qazaq ultynyń álemdik mádenı muraǵa qosqan úlesiniń jarqyn úlgisi. 2020 jyly toǵyzqumalaq IýNESKO sheshimimen adamzattyń mádenı mura tizimine engizildi. Aıta keterligi, bıyl Toǵyzqumalaq kúninde (9 qyrkúıek) Almatydaǵy dendropark aýmaǵynda 2028 mektep oqýshysy bir mezette toǵyzqumalaq oıynyn oınap, Qazaqstannyń «Gınness rekordtar kitabyna» engen bolatyn.  

Almaty qalasy Toǵyzqumalaq federasıanyń ókilderin áńgimege tartyp, «Álem chempıonaty ne sebepti oqýshylar arasynda ótkizilip otyr?» degen saýalǵa jaýap izdegenbiz. Olar munyń syryn bylaısha sabaqtady: «Birinshiden, oqýshylar – eń uıymshyl ujym. Ekinshiden, olar ósken soń joǵary lıgada, joǵary topta oınaýǵa múmkindik alady. Sondyqtan bul saıys – olar úshin álemdik deńgeıge ázirlik»,  – deıdi federasıadaǵylar.

Shyny kerek, toǵyzqumalaq – sonshama qomaqty qarajatty qajet etpeıtin sport túri. Bul rette Memleket basshysynyń qarjyny az qajet etetin sport túrlerin damytý jaıynda aıtqan tapsyrmasy da eskerildi. Onyń ústine, toǵyzqumalaqpen turaqty aınalysatyn balalardyń oqý úlgerimi de jaqsy bolatynyn ustazdardyń ózi rastap otyr. Logıkaǵa (qısyn) negizdelgen ulttyq oıynnyń balalarǵa da bereri mol.

Álemdik deńgeıdegi sport jarysyna eń kemi 4 oqýshydan kelýi kerek. Eń az kelgeni – úsh oıynshy (Kolýmbıa), kóp kelgeni – qyrǵyz elinen (8 oıynshy). Bul jarysqa «alań ıeleri» sanalatyn elimizden 28 oıynshy qatysty. Saıys qorytyndysynda . Qazaqstan qurama komandasy «rapıd» jáne «blıste» altynǵa qol jetkizdi.«Rapıd» boıynsha Mahmutjan Ázimhan, Ernur Batyr, Aıdana Moldabek jáne Aıana Isahan altynnan alqa taqsa, «blıs» boıynsha Samıra Orazmuhanbet, Ádilet Bekmahan, Vıktorıa Belıskaıa jáne Sapar Tamerlan jarys chemıondary atandy.

Álem chempıonatynyń qorytyndysyn nazarlaryńyzǵa usynamyz:

Rapıd:

U-15 - Uldar

1. Mahmýtjan Ázimhan (Qazaqstan)


2. Les Zaýytbek (Qazaqstan)


3. Nýrel Sýltashev (Qyrǵyzstan)


4. Orlando Gvıdo Vergel Benıtes (Kolýmbıa)

U-15 - Qyzdar

1. Aıdana Moldabek (Qazaqstan)


2. Bahııana Týrgýnalıeva (Qyrǵyzstan)


3. Erkejan Asankýlova (Qyrǵyzstan)


4. Madına Esqaıyr (Qazaqstan)

U-17 - Uldar

1. Ernur Batyr (Qazaqstan)


2. Nadır Ahmetov (Qazaqstan)


3. Baımbet Seıdahmatov (Qyrǵyzstan)


4. Alehandro Danıel Hıron Chılıto (Kolýmbıa)

U-17 - Qyzdar

1. Aıana Isahan (Qazaqstan)


2. Balnur Tilegenova (Qazaqstan)


3. Aıana Týrganalıeva (Qyrǵyzstan)


4. Aleksandra Javoronkova Amıgo (Ispanıa)

Blıs:

U-15 - Uldar

1. Sapar Tamerlan (Qazaqstan)


2. Esentaı Arsen (Qazaqstan)


3. Les Zaýytbek (Qazaqstan)


4. Mahmýtjan Ázimhan (Qazaqstan)

U-15 - Qyzdar

1. Vıktorıa Belıskaıa (Qazaqstan)


2. Albına Esmuhan (Qazaqstan)


3. Nazıra Qýatjanqyzy (Qazaqstan)


4. Janel Qurmanǵalıeva (Qazaqstan)

U-17 - Uldar

1. Ádilet Bekmahan (Qazaqstan)


2. Aıdyn Jaqıev (Qazaqstan)


3. Qaırat Turarbek (Qazaqstan)


4. Salahaddın Agıtaev (Qazaqstan)

U-17  - Qyzdar

1. Samıra Orazmuhanbet (Qazaqstan)


2. Aıana Isahan (Qazaqstan)


3. Aıym Álibekqyzy (Qazaqstan)


4. Aqjibek Manarbekqyzy (Qazaqstan)