5 myń aýyl oqýshysy «Myń bala» respýblıkalyq olımpıadasynyń ekinshi týryna qatysady,dep habarlaıdy Almaty-akshamy.kz. 24.kz-ke silteme jasap.
Bıyl keshendi testileý tek 6 synyp oqýshylaryna arnalǵan. Olımpıada matematıkalyq saýattylyq, jaratylystaný, qazaq, orys jáne aǵylshyn tili sekildi birneshe pán boıynsha júrgiziledi. Baıqaý jeńimpazdary daryndy balalarǵa arnalǵan mamandandyrylǵan mektepterde oqı alady. Sondaı-aq, test aıaqtalǵannan keıin árbir qatysýshyǵa «Birge oqy» onlaın-mektebine kirý múmkindigi beriledi. Bul olımpıada osymen tórtinshi jyl qatarynan aýyl mektepteriniń oqýshylaryna sapaly bilim alýǵa múmkindik berip keledi. Birinshi týr 3-7 sáýir aralyǵynda ótti, oǵan 81 myń oqýshy qatysqan. Nátıjeler 10 mamyrǵa deıin jarıalanady.
- Eń joǵary bal alǵan 1000 balany tańdaımyz da olımpıadanyń aty myń bala ǵoı. Sol úshin. Sol myń balaǵa mamandandyrylǵan mektepterge konkýrstan tys kvota boıynsha túsýge múmkindik bar. Ol mamyrdyń aıaǵynda túsý bastalady. Qalaǵan mektepke ótinish berýge bolady, - deıdi «Myń bala» zıatkerlik olımpıadasynyń úılestirýshisi Aıjan Arshabaeva.