Pavlodar oblysynda belgili qazaq aqyny, ádebıettanýshy, balalar jazýshysy Muzafar Álimbaevtyń 100 jyldyǵy atap ótildi, dep habarlaıdy- Almaty-akshamy.kz inbusiness.kz-ke silteme jasap.
Muzafar Álimbaev "Alataý baýraıynda", "Meniń Qazaqstanym", "Baldáýren, shirkin, balalyq", "Aqserek te Kókserek" jáne taǵy da basqa shyǵarmalary TMD men shet elderdiń 20 tiline aýdarylǵan poetıkalyq jınaqtardyń avtory.
Qazaqstannyń tuńǵysh ánuranynyń avtorlarynyń biri, QR Memlekettik syılyǵynyń laýreaty, eńbek sińirgen mádenıet qaıratkeri, Uly Otan soǵysynyń ardageri, Pavlodar oblysynyń Qurmetti azamatyn óziniń týǵan jeri Sharbaqty aýdanynda eske aldy.
Saltanatty sharaǵa oblys ákimi Asaıyn Baıhanov qatysyp, Muzafar Álimbaevtyń kitaptary men jeke zattary qoıylǵan kórmege bardy.
"Muzafar Álimbaevtyń poezıasy - klasıkanyń úlgisi ǵana emes, sonymen qatar, qazaq tiliniń basty qazynasy. Ol "Baldyrǵan" balalar jýrnalynyń negizin qalap, qazaq balalar ádebıetiniń damýyna eleýli úles qosty. Aqynnyń óleńderine 200-den astam án jazylǵan jáne olar búgingi kúnge deıin kópshilikke tanymal", - dep atap ótti oblys ákimi.