Tanzanıalyq Abdýlrazak Gýrna ádebıet boıynsha Nobel syılyǵyn aldy.
Shvesıa koróldik ǵylym akademıasynyń Nobel komıtetiniń habarlaýynsha, Ulybrıtanıada turatyn tanzanıalyq Abdýlrazak Gýrna ádebıet boıynsha Nobel syılyǵynyń laýreaty boldy, dep habarlaıdy Almaty-akshamy.kz RIA Novostı saıtyna silteme jasap.
Abdýlrazak Gýrna 1948 jyly Zanzıbar aralynda arab ultynan shyqqan musylmandar otbasynda dúnıege kelgen. 20 jasynda ol Ulybrıtanıaǵa qonys aýdardy, Kent ýnıversıtetinde doktorlyq dısertasıasyn qorǵady jáne qazir aǵylshyn tili kafedrasynyń aspırantýrasyn basqarady.
Ol óziniń ádebı debútin 1987 jyly «Ketý týraly estelik» romanymen bastady. Jalpy alǵanda, onyń on kitaby bar, olardyń eń ataqtysy - «Jumaq» (1994) jáne «Teńiz jaǵasynda» (2001), olar Býker syılyǵynyń tizimine engizilgen. Onyń kitaptary orys tilinde basylmaǵan.
Nobel syılyǵynyń laýreattary dıplom, altyn medal jáne aqshalaı syılyqqa ıe bolady - bıyl bul on mıllıon shved krony (shamamen 1,2 mıllıon dollar).
