Germanıa astanasynda Mustafa Shoqaı týraly kitaptyń tusaýkeseri ótti.
Qazaqtyń tanymal qoǵam jáne saıası qaıratkeri jaıly týyndy nemis tilinde jaryq kórdi. Igi is Berlındegi nemis-qazaq qoǵamy men qazaq dıasporasynyń qoldaýymen júzege asty, dep habarlaıdy almaty-akshamy.kz 24.kz-ke silteme jasap.
"Mustafa Shoqaı fenomeni" kitabynda qoǵam qaıratkeriniń ómiri men saıası ǵumyry jaıly baıandalady. Týyndy tarıhshy Baqyt Sadyqov pen Mustafa Shoqaıdyń jubaıynyń estelikterine súıene otyryp jazylǵan.
Bákir Ábdijálel, Qorqyt ata atyndaǵy Qyzylorda ýnıversıteti "Shoqaıtaný" ortalyǵynyń ǵylymı basshysy: - Mustafa Shoqaıǵa qatysty kitaptyń nemis tilinde shyǵýy jáne onyń ómirbaıanyn kórsetý jáne onyń Fransıada bolyp kóp jyldar osy taqyrypqa eńbek etken Baqyt Sadyqovtyń eńbeginiń kirýi Mustafanyń jary teńdessiz eńbek etken bizdiń anamyz Márıa Shoqaıdyń "Meniń Mustafam" degen kitabynyń nemis tilinde shyǵyp otyrýy biz úshin úlken qýanysh. Mustfa Shoqaıdyń rýhy, bıiktigi álemge tanymaldyǵy búgin taǵy da aıqyndaldy. Kóp áńgime qozǵaldy. Menińshe Mustafa Shoqaıdy tanýdyń jańa dáýiri bastalǵan sıaqty.
Kitapta kóptegen jańa muraǵattyq materıaldar qoldanylǵan. Týyndynyń nemis tilinde jaryq kórýi jergilikti oqyrmandarǵa Shoqaıdy jaqyn tanýyna múmkindik berip otyr.
Brıgıtta Braýer, jýrnalıs: - Mundaı kitaptardy aýdarý óte mańyzdy. Óıtkeni biz Germanıada qazaqtyń tanymal tulǵalaryn az bilemiz. Olardyń ishinde ómirlik joly elimizben baılanysty bolǵan Mustafa Shoqaı da bar. Osy sebepti bul shyǵarma biz úshin óte qundy. Saltanat Seksembaeva, Mustafa Shoqaı mýzeıiniń basshysy: - Biz búgin álemge áıgili saıası qaıratker Mustafa Shoqaı týraly baıandap berdik. Ol Otanymyz úshin aıanbaı eńbek etken qaıratker. Sondyqtan osyndaı halyqaralyq deńgeıde shara ótkizý óte oryndy. Keleshekte osy baǵyttaǵy yntymaqtastyǵymyzdy jalǵastyrmaq oıdamyz.
Keler jyly Túrkıada Mustafa Shoqaıǵa arnalǵan kórme ótkizý josparlanyp otyr. Kópshilik nazaryna qazaqtyń birtýar uly jaıly muraǵattarda saqtalǵan biregeı qoljazbalar men jádigerler usynylady.
Istochnık: https://24.kz/kz/zha-aly-tar/m-denie/item/629638-m-stafa-sho-aj-fenomeni-nemis-tilinde-zhary-k-rdi
Lúboe ıspolzovanıe materıalov dopýskaetsá tolko prı nalıchıı gıperssylkı na www.24.kz