Almatyda Ortalyq Azıa men Kavkaz óńirinde tuńǵysh ıtalándyq mádenıet ınstıtýty ashyldy. İs-sharaǵa Almaty qalasy ákimdiginiń, dıplomatıalyq korpýstyń, Gete ınstıtýty men Fransýz Alánsynyń, ıtalándyq qoǵamdastyqtyń, jergilikti bıznes pen mádenıettiń ókilderi qatysty, dep habarlaıdy almaty-akshamy.kz
Qazaqstan-Italıa arasyndaǵy dıplomatıalyq qatynastyń ornaǵanyna 30 jyldan asqan, búginde elder arasynda saıası, ekonomıkalyq jáne áleýmettik-mádenı yntymaqtastyq tabysty damýda. Elder men qalalardyń jaqyndasýyna áser etetin negizgi faktorlardyń biri ózara mádenı baılanys.
Mádenıet ınstıtýtynyń negizgi mısıasy ıtalán tili men mádenıetin nasıhattaý, jańa shyǵarmashylyq talanttarǵa nazar aýdarý. Óz qyzmeti barysynda JOO ıtalán tilin úırenýge járdemdesedi, ıtalándyq kitaptardy basyp shyǵarýǵa qoldaý kórsetedi, kórmeler men festıváldar uıymdastyrady, mýzyka, bı, kıno, teatr, ádebıet jáne t.b. baılanysty is-sharalardy josparlaýda jergilikti mekemelermen yntymaqtastyqty júzege asyrady.
Italıanyń Syrtqy ister jáne halyqaralyq yntymaqtastyq mınıstrligi álem boıynsha 86 ıtalándyq mádenı ınstıtýttar jelisin úılestirip, basqarady. Mundaı alǵashqy ınstıtýt 1922 jyly Pragada (Chehıa) ashyldy. Osy oqý oryndarynda qurylǵan sátten bastap 330 myńnan astam stýdent ıtalán tilin oqydy.
Almatydaǵy ıtalándyq mádenıet ınstıtýty Italıa men Qazaqstannyń dostas halyqtary arasyndaǵy yntymaqtastyqty nyǵaıtýǵa yqpal etedi. Mádenı ózara is-qımyldyń mysaly retinde Neapolde bıyl 15 qarashadan bastap bir aı boıy Almaty tarıhy mýzeıiniń «Qazaqstan kóshpendileri: tarıhy men búginá» kórmesi ótip jatyr, onda ıtalándyqtar Uly Dalanyń tarıhymen jáne mádenıetimen tanysa alady.
