Birinshi kezekte Qazaqstan halqyna, ásirese, áskerılerdiń otbasylaryna, jaqyndaryna qaıǵyryp kóńil aıtamyn. Ózimniń týyp-ósken qalam - Arys qalasy. Sondyqtan bul jaǵdaıdy jaqsy túsinemin. 2 jyl buryn Arysta da týra osyndaı tragedıa oryn alǵany el esinen áli kete qoımaǵan edi. Bul jantúrshigerlik jaǵdaı halyqtyń júregin taǵy bir qozǵap ketkeni anyq. Qarý-jaraq saqtaıtyn qoıma jaryldy. Meniń bir túsinbeıtinim, bul ne degen jaryla beretin qarý-jaraq? Eger ol osyndaı qaıǵy ákeletin bolsa, ony nege saqtaımyz? Aldymen qarý-jaraqty qaýipsiz túrde saqtaı alatyn qoımamyz bolý kerek. Sodan keıin baryp qarý-jaraq jınaýǵa bolady. Al bizde kerisinshe. Ekinshiden, osy jaǵdaıda ádil sheshim qabyldaný kerek. Bul jaǵdaıdy áskerılerge jaýyp, olardy qylmysker atandyrýǵa bolmaıdy. Áskerılerdiń eshqandaı jazyǵy joq. Bul - júıeniń qateligi. İske qatysy joq adamdardy aıyptaǵannan másele sheshilmeıdi. Sondyqtan júıeni jóndep, apattyń saldaryn anyqtaý qajet.
Jarylys kezinde oqıǵa ornynda qaza bolǵan áskerı qyzmetkerlerdiń jaqyndaryna Allam sabyr bersin! Marqumdardyń otbasylaryna materıaldyq kómek kórsetilip, járdem berilý kerek. Bala-shaǵasyna kómek kórsetilsin deımin. Olar búgingi kúnniń batyrlary! Óıtkeni olar halqy úshin aıanbady, ózderin aıamady.