Munaı ónimderine aksız esepteý tásili ózgerýi múmkin,dep habarlaıdy Almaty-akshamy.kz.
Ulttyq ekonomıka mınıstri Azamat Ámrın Senatta ótken dóńgelek ústelde vedomstvo atynan osyndaı usynys jasady, dep jazady QazAqparat.
«Munaı ónimderiniń aksızin tolaıym saýdaǵa emes, bólshek saýdaǵa esepteý usynylyp otyr. Nege ekenin túsindireıin. Bul jerde salyq mólsherlemesin qazirgi tásil boıynsha arttyrsaq, munaı óńdeıtin zaýyty bar úsh óńir ǵana kiris alady – Shymkent, Pavlodar, Atyraý», - dedi ol.
Vıse-mınıstrdiń aıtýynsha, ózderi usynyp otyrǵan tásil ózge óńirlerdiń kirisin arttyrýy múmkin.
«Al aksızdi bólshek saýdaǵa salsaq, basqa oblystar da kiris alady. Óıtkeni munaı ónimderi búkil óńirlerde bólshek saýdada satylady. Ádildik turǵysynan osy durys bolatyn shyǵar. Sebebi aksız mólsherlemesi artqan eken, odan búkil oblystar kiris kórýi kerek», - dedi Azamat Ámrın.