Halyqaralyq valúta qory bıyl munaı barreliniń baǵasy 16,2 paıyzǵa arzandap, 81,13 dollarǵa deıin tómendeıdi dep boljady.
Bul týraly HVQ-nyń dúısenbide jarıalanǵan jahandyq ekonomıkanyń damý perspektıvalary týraly baıandamasynyń qańtardaǵy jańartylǵan málimetinde aıtylǵan, dep habarlaıdy Almaty-akshamy.kz.
«2023 jyly munaı baǵasy shamamen 16%-ǵa tómendeıdi. Al janarmaıǵa jatpaıtyn shıkizat taýarlardyń baǵasy orta eseppen 6,3%-ǵa quldyraıdy. 2022 jylǵy 29 qarashadaǵy fúcherstik naryqtarda eseptelgen ortasha boljamdy baǵa 2023 jyly 81,13 dollar jáne 2024 jyly 75,36 dollar bolady», - delingen málimette.
Osylaısha, kelesi jyly munaı baǵasy 7,1 paıyzǵa tómendeıdi.
HVQ-nyń paıymdaýynsha, energıa naryqtary Ýkraınadaǵy janjaldan týyndaǵan (ekonomıkalyq) jaǵdaılarǵa tez beıimdeldi. Degenmen ótken jyly «jahandyq energıa men azyq-túlik baǵasynyń kúrt ósýi ómir súrý qunynyń daǵdarysyn týdyrdy.
Ýkraınadaǵy qaqtyǵysqa baılanysty munaı, gaz jáne azyq-túlik baǵasynyń kútken kórsetkishten joǵary bolýy jalpy ınflásıany qaıta kóterýi múmkin.