Balanyń shotyna Ulttyq qordan aýdarylatyn aqshaǵa salyq salynbaıdy.
Mınıstrliktiń esebi boıynsha bul jobaǵa 6,5 mln bala qatysady. Eger bala 18 jasqa deıin azamattyǵyn ózgertse, jeke shotta jınalǵan aqshany ala almaıdy, dep habarlaıdy Almaty-akshamy.kz
Ulttyq ekonomıka mınıstri Álibek Qýantyrov «Ulttyq qor – balalarǵa» jobasy qalaı júzege asyrylatynyn aıtty.
Ol baǵdarlama 2024 jyldan bastap iske asyrylatynyn atap ótti. Bala 18 jasqa tolǵanǵa deıin olardyń arnaıy shotyna Ulttyq qordyń ınvestısıalyq kirisiniń 50%-i túsip turady. Búginde mınıstrliktiń esebi boıynsha jobaǵa 6,5 mln bala qatysady.
«Eger Ulttyq qordyń ınvestısıalyq kirisi teris mánde qalyptassa, ne bolady? Biz osy máseleni de talqyladyq. Sol sebepti biz tek bir jyldyń ǵana kirisin almaımyz. 18 jyldaǵy ortasha jyldyq tabysty alamyz. Óıtkeni ol árqashan oń mánde qalyptasady. Bala on segiz jasqa tolǵannan keıin alatyn aqshaǵa salyq salynbaıdy», - dedi Qýantyrov.
Sondaı-aq eger qazaqstandyq bala azamattyǵyn ózgertse, ol Ulttyq qordyń tabysynan jınalǵan aqshasyn ala almaıdy. Onyń shotyndaǵy qarajat qalǵan balalar arasynda qaıta bólinedi.
«Bala shetelge shyǵa alady. Eger ol azamattyǵyn ózgertpese, aqsha sol kúıi saqtalady. Eger basqa azamattyq alsa, onda shotyndaǵy qarjy oǵan berilmeıdi», - dep túsindirdi mınıstr.