2014 jyldan beri alǵash ret 90 dollardan asyp otyr.
Etalon úlgidegi munaı baǵasy ósip keledi, bir kún buryn kóterile bastaǵan baǵa juma kúni jalǵasyn tapty. Nátıjesinde WTI baǵa belgileýleri 2014 jyldyń qazan aıynan beri alǵash ret barreline 90 AQSH dollaryn qurady, dep habarlaıdy Almaty-akshamy.kz Interfax.ru cilteme jasap.
Londonnyń ICE Futures bırjasynda juma kúni máskeý ýaqytymen 8:12-degi Brent markaly munaıdyń sáýirdegi fúchersteriniń quny barreline $91,56 qurady, bul aldyńǵy sesıanyń jabylý baǵasynan $0,45 (0,49%) joǵary. Beısenbi kúngi saýdanyń nátıjesinde bul kelisimsharttar bir barel úshin $1,64 (1,8%) ósip, $91,11 qurady.
Nú-Iork taýar bırjasynyń (NYMEX) elektrondy saýdasynda naýryz aıyndaǵy WTI munaıynyń fúchersteriniń baǵasy osy ýaqytqa deıin barreline $90,92 quraıdy, bul beısenbi kúngi sesıanyń qorytyndy qunynan $0,65 (0,72%) joǵary. Bir kún buryn bul kelisimsharttardyń quny barreline $2,01 (2,3%) ósip, $90,72 qurady.
Munaı naryǵyna suranystyń belsendi túrde qalyptasa bastaýy aıasynda usynystyń azdyǵy áser etip otyr. Shyǵys Eýropa men Taıaý Shyǵystaǵy geosaıası shıelenis usynystyń kóp bolmaýyna septigin tıgizip otyr. Sonymen qatar OPEK+ elderiniń kópshiliginiń osy ýaqytqa deıin óndiristi kelisilgen deńgeıge deıin kótere almaı otyrǵandyǵy áser etip otyr.
Sonymen qatar, AQSH-ta jaýǵan qalyń qar da munaı baǵasyna qolaıly bolyp otyr, sebebi AQSH-ta úıler men kásiporyndardy jylytý úshin janarmaıǵa degen suranysy artyp otyr.
«AQSH-tyń energetıkalyq kompanıalary suranysty qanaǵattandyrý úshin óndiristi ulǵaıta almaıdy degen alańdaýshylyq bar», - dedi Price Futures Group kompanıasynyń sarapshysy Fıl Flınn.