Fransıa ınvestorlaryna Qazaqstannyń jańa ekonomıkalyq saıasaty tanystyryldy
Búginde elimizde atalǵan memleket kapıtalynyń qatysýymen 170-ten asa kásiporyn jumys isteıdi. Olar bizdiń ekonomıkaǵa 18 mlrd dollar ınvestısıa salǵan. Kezdesýde sheteldik ınvestorlardyń kapıtaly memleket qorǵaýynda ekeni aıtyldy, dep habarlaıdy Almaty-akshamy.kz
Júzdesýde fransýz kompanıalarynyń basshylary Qazaqstanda júzege asyrýǵa nıetti jobalary týraly sóz qozǵady. Investorlar jasyl sýtegin óndirý múmkindigin qarastyryp, kásiporyndardyń ekologıalyq standarttaryn kóterý baǵytynda jumys júrgizýdi kózdeıdi.
«Qazaqstan tarapy bizdi óz saıasatymen tanystyryp, daý týǵyzǵan máseleler boıynsha ýaıymymyzdy seıiltti. Sondyqtan negizgi taqyryptan bólek, aldaǵy jobalardy talqylaýǵa kóshtik. Josparlanǵan jobalar jóninde suraǵymyz bar edi. Olar júzege asatyn boldy. Fransıa ınvestorlary Qazaqstanmen áriptestikti jalǵastyrýǵa yntaly», - deıdi Qazaqstan-Fransıa İsker keńesiniń teń tóraǵasy Iv-Lýı Darrıkarer.