Búgin – qazaqtyń uly jazýshysy Muhtar Áýezovtiń týǵan kúni. Muhtar Áýezovtiń aforızmderin oqı otyryńyzdar.
***
Kúshińe senbe, adal isińe sen.
***
Qaı istiń bolsyn ónýine úsh shart bar: eń áýeli – nıet kerek, odan soń – kúsh kerek, odan soń – tártip kerek.
***
Azamat syny – erlik, erlik syny – eldik.
***
Adam kórki – aqyl.
***
Jigitti jyly sóz shıratpaıdy, qatty syn shıratady.
***
Tartyspen túsken, beınetpen kelgen jaqsylyq qana – shyn máninde qymbat tabys.
***
Adam iriligi bir sıpat emes, ishki-tysqy san sıpat qasıetterinen quralady.
***
Adam balasynyń jasan qulqy jaratylysynan emes, ósken ortasynda kórgen úlgi-ónegesinen.
***
Týmaı jatyp – toldym deme, tolmaı jatyp – boldym deme.
***
Qyzǵanysh – qurt aýrýy, mys qazanda qaınaıtyn azap oty.
***
Oı da kóp, ýaıym da kóp – oılaı berseń, Oı da joq, ýaıym da joq – oınaı berseń.
***
Mańyna uryq shashpaǵan jaqsylyq japanda jalǵyz ósken báıterekshe tul bolady da qalady.
***
Ónerpaz bolsań, ór bol.
***
Bóriniń artynan bóltirik aqyldy bolǵandyqtan ermeıdi.
***
Bilim – baqtyń jibermeıtin qazyǵy, Bilimsiz baq – áldekimniń azyǵy.
***
Kógen kóz qazaǵyma qaratyp, minbe quryp, sol minbege shyǵaryp:“Aqyrǵy dilińizdi aıtyńyzshy, Muhtar!” – dese, tilimniń ushynda júrgen sóz tómendegishe: tas úgitilip qumǵa aınalady, temir tozady, urpaq ozady, dúnıede ólmeıtin sóz ǵana, halqymyzben birge jasasyp kele jatqan mura sózimizdi arzandatyp almaıyq.
***
Jigit qadiri ónerimen ólshener.
***
Jalǵan namys – qasıet emes, ar saqtaǵan – qasıet.
***
Berekeni kókten tileme, etken eńbekten tile.
***
Eńbek shyqqan jerden tózim de shyǵady.
***
Halyq pen halyqty, adam men adamdy teńestiretin nárse – bilim.
***
Adamshylyqty tez júrgizý úshin kóp oı kerek, oılaý úshin oqý kerek.
***
Ar jazasy – bar jazadan aýyr jaza.
***
Jaýǵa – jalynba, dosqa – tarylma.
***
Amal: kijiný bar, kıligý joq.
***
Qol jetpes shyńyraýdaǵy sý bolǵansha, paıdasy kópke tıetin jaıdaq sý bolǵan jaqsy.
***
Qyl ótpesteı tatýlyqty bir ashýǵa satpas bolar.
***
Tamyr boldyń – aıtys joq, Qoldan berdiń – qaıtys joq.
***
Aýzymen aıdy alyp, qolymen qosaıaq soǵa almaıtyn jandar bar.
***
Kóbikti tolqyn sanama.
***
Ádilet tilese – atańnyń bolsyn aıybyn aıt.
***
Bas asaýǵa – jez noqta.
***
Kisiniń bir ǵaıybyn maǵan aıtqan adam – meniń júz ǵaıybymdy kisige aıtar.
***
Syn – shyn bolsyn, shyn syn bolsyn.
***
İzdesseń – tabarsyń, alyssań – alarsyń.
***
Ulttyń tili – sol ulttyń jany, jan dúnıesi. Ol júrekti soqtyrtyp turǵan qan tamyry sıaqty. Eger de qan tamyry jabylyp qalsa, júrek te soǵýyn toqtatpaı ma?!
Derekkózi: www.zharar.com