2023 jyly Almatyda múgedektikti belgileý boıynsha 7 myńnan astam ótinim syrttaı qaraldy
Alǵash ret Múgedektik 5 myńnan astam almatylyqqa belgilendi. Bul týraly Óńirlik komýnıkasıalar qyzmetiniń brıfıńinde Almaty qalasy boıynsha Eńbek jáne áleýmettik qorǵaý komıteti departamenti basshysynyń orynbasary Rımma Qasymova aıtyp berdi, dep habarlaıdy almaty-akshamy.kz
Medısınalyq-áleýmettik saraptama (MÁS) – múgedektikti jáne eńbekke qabilettiliginen aırylý dárejesin belgileı otyryp (belgilemeı), dene fýnksıalarynyń turaqty buzylýynan týyndaǵan kýálandyrylatyn adamnyń tynys-tirshiliginiń shekteýlerin baǵalaý, sondaı-aq onyń áleýmettik qorǵaý sharalaryna qajettilikterin aıqyndaý.
Medısınalyq-áleýmettik saraptama kýálik beriletin adamnyń turaqty tirkelgen orny boıynsha medısınalyq mekemelerdiń dárigerlik-konsýltasıalyq komısıanyń joldamasy boıynsha beriledi.
Onyń aıtýynsha, aýmaqtyq departamenttiń baǵyttarynyń biri múgedektikti jáne eńbek etý qabiletinen aıyrylý dárejesin belgileý, sondaı-aq kýálandyrylatyn adamnyń áleýmettik qorǵaý sharalaryna qajettiligin aıqyndaý medısınalyq-áleýmettik saraptama júrgizý arqyly júrgiziledi.
Spıker Áleýmettik kodeks aıasynda 2022 jyldyń qańtarynan bastap engizilgen jáne medısınalyq-áleýmettik saraptama júrgizýdi qamtıtyn nozologıanyń 22 túrinen syrttaı múgedektikti anyqtaýdyń proaktıvti formaty zańnamalyq túrde bekitilgenin atap ótti.
«Múgedektikterdi anyqtaý boıynsha «medısınalyq-áleýmettik saraptamanyń» syrttaı-proaktıvti formaty eń aldymen sybaılas jemqorlyq quramdas bóligin joıýǵa jáne azamattardyń tikeleı baılanysyn boldyrmaýǵa baǵyttalǵan. Iaǵnı, Qazaqstannyń ár óńirinen kelgen táýelsiz sarapshylardyń múgedektigin anyqtaýdyń búkil prosesi tekseriletin adamnyń medısınalyq mekemeleriniń elektrondy qujattary negizinde júzege asyrylady. MÁS táýelsiz sarapshylary azamattar týraly derekterdi kóre almaıdy», - deıdi R. Qasymova.
Saraptamanyń bul formatynda medısınalyq mekemelerdiń dárigerlik-konsýltasıalyq komısıasynyń jumys sapasyn uıymdastyrý mańyzdy ról atqarady.
«2023 jyldyń qortyndysy boıynsha 23 886 memlekettik qyzmet kórsetilse, onyń 7 myńnan astamy syrttaı proaktıvti formatta kórsetilgen», - dedi ol.
Alǵash ret múgedektik 5 myńnan astam adamǵa belgilendi, onyń 2848-i eńbek jasyndaǵylar, 1115-i zeınet jasyndaǵylar, 1269-y balalar.
Búgingi tańda Almaty qalasynda 58 881 múgedektigi bar adamdar tirkelgen, onyń shinde 50% eńbek jasyndaǵylar, 34% zeınet jasyndaǵylar jáne 18 jasqa deıingi jas óspirimder 16 %.
1 top múgedektik - 6 306, 2 top múgedektik- 23 654, 3 top múgedektik- 19 533, 7 jasqa deıingi múgedektigi bar bala- 2 953, 7 jastan 18 jasqa deıingi múgedektigi bar 1 top- 1 164, 7 jastan 18 jasqa deıingi múgedektigi bar 2 top - 2 220, 7 jastan 18 jasqa deıingi múgedektigi bar 3 top - 3 051.
Almaty qalasy boıynsha balalar men eresekterge medısınalyq-áleýmettik saraptamany 7 aýmaqtyq MÁS bólimderi júzege asyrady:
- MÁS ádistemesi jáne baqylaý bólimi;
- MÁS bes aýdanaralyq bólimi;
-18 jas deıin jasóspirimderge arnalǵan bir MÁS bólimi.
MÁS-tiń árbir aýmaqtyq bóliminiń negizgi bazasy-emdeý mekemeleri. MÁS-tiń árbir bólimi bekitilgen keste boıynsha 8-10 emdeý mekemesine tirkelý boıynsha múgedektigi bar adamdarǵa qatysty medısınalyq-áleýmettik saraptama júrgizedi.
Jýrnalıserdiń múgedektik toby qandaı merzimge belgilenetini týraly suraǵyna jaýap bere otyryp, Rımma Qasymova múgedektik anyqtalǵan jaǵdaıda merzimder medısınalyq-áleýmettik saraptama júrgizý qaǵıdalaryna sáıkes aıqyndalatynyn jáne 6 aıǵa, 1 jylǵa, 2 jylǵa, 5 jylǵa jáne qaıta kýálandyrý merziminsiz belgilenetinin túsindirdi.