N36 qalalyq emhananyń ýrology «Erlerdiń densaýlyǵy» týraly aıtyp berdi
Dárigerge kóriný úshin ýrologıalyq aýrýdyń belgisi bolmasa da, únemi profılaktıkalyq tekserýden ótýdi qajet etetin táýekel toby bar deıdi ýrolog Abıdbekov Kemelbek Meıirbekuly.
Kóptegen aýrýdyń belgisi bolmaıdy, ári olar er adamdy múlde mazalamaýy múmkin. Aýrýdy der kezinde dıagnostıkalaý jáne erte emdeý ǵana ony tolyq emdeýge jáne qartaıǵanǵa deıin ómirdiń barlyq qyzyǵyn kórýge múmkindik beredi.
Degenmen, kóptegen er adam óz densaýlyǵyna jetkilikti nazar aýdarmaıdy jáne aýyr zardapqa ákeletin birqatar problemany elemeıdi.
- Táýekel tobyndaǵy nemese ýrolog ne andrologta esepte turǵan barlyq adam jylyna keminde eki ret profılaktıkalyq tekserýden ótýi kerek. Bul problemany erte kezeńde anyqtaýǵa jáne qýyq asty bezi qaterli isigi damýyn boldyrmaýǵa múmkindik beredi, - dep bólisedi A.Kemelbekuly.
Dáriger «erlerdiń densaýlyǵy» qozǵalysqa, atap aıtqanda, qan aınalymy men qýyq asty bezindegi zat almasýdyń qarqyndylyǵyna baılanysty ekenin atap ótti.
Sondyqtan dáriger turaqty jattyǵý jasaýdy usynady. Óıtkeni jambas bulshyqetiniń jıyrylýy bezge massajdyq áser beredi.
Onyń ústine fızıkalyq jattyǵý ish ishindegi qysymdy retteıdi, bul erlerdiń nesep-jynys júıesine oń áser etedi.
- «Erlerdiń densaýlyǵyn» saqtaýda durys tamaqtaný da mańyzdy ról atqarady.
- Dıeta kókóniske, jemiske, dándi daqyldarǵa, maısyz aqýyzdarǵa jáne paıdaly maılarǵa baı bolýy kerek.
- Al nıkotın men alkogóldiń zıany týraly bári biletin shyǵar.
- Nıkotın qan tamyrlaryn taryltady, ómirlik mańyzdy organdardyń tamaqtanýyn nasharlatyp qana qoımaı, sonymen qatar ermúshege qan aǵynyn azaıtady.
- Al alkogóldi shamadan tys tutyný erlerdiń de, áıelderdiń de densaýlyǵyna keri áser etedi.
Qorytyndylaı kele, ýrolog maman erlerdiń densaýlyǵyna oń áser etetin turaqty jynystyq ómir men qorǵalǵan jynystyq qatynasty atap ótti.
- Qolaıly jaqyn qarym-qatynastyń belgili bir jıiligin saqtaý usynylady. Rekord ornatýǵa tyrysýdyń qajeti joq, biraq uzaq úzilistiń de paıdasy joq. Esińizde bolsyn, turaqty jynystyq qatynas er adam aǵazasynda kóptegen toqyraýdyń aldyn alady jáne qýyq asty bezi massajynan áldeqaıda paıdaly. Kez kelgen kúmándi jynystyq qatynas dereý dárigermen keńesý úshin sebep bolyp tabylady! Sımptomdardyń bolmaýy jasyryn jynystyq jolmen beriletin ınfeksıany juqtyrýdy joqqa shyǵarmaıdy, ol keıinnen óte aýyr aýrýdyń sebebi bolýy múmkin, - dep túıindedi maman.