Búgin Batys Qazaqstan oblysynyń Oral qalasynda 3 jasqa deıingi múgedek balalarǵa arnalǵan «Qamqorlyq» erte aralasý ortalyǵy ashyldy.
Erte aralasý ortalyǵy oblystyq perınataldyq ortalyqtyń bazasynda qurylǵan jáne neıro-ortopedıalyq buzylýlary bar jáne olardyń damý qaýpi bar balalardy qabyldaı bastaıdy. «Samuryq-Qazyna» jáne «Qazaqstan halqyna» qorlarynyń áriptestigi kezinde iske qosylǵan ortalyq jyl saıyn 3 jasqa deıingi 600 balany qabyldaı alady, dep habarlaıdy almaty-akshamy.kz.
Erte aralasý ortalyǵynda shala týǵan balalarǵa, ortalyq nerv júıesi men mıdyń damý aqaýlary, serebraldyq sal aýrýy, Daýn sındromy, neıroınfeksıalar men jaraqattardyń saldary bar balalarǵa kómek kórsetiledi. Mundaı ortalyqtardyń negizgi maqsaty -balalardaǵy erte múgedektiktiń profılaktıkasy.
Bul áleýmettik joba «Samuryq-Qazyna» AQ jáne «Qazaqstan halqyna» QQ bastamasymen «Deni saý ult» árbir azamat úshin sapaly jáne qoljetimdi densaýlyq saqtaý ulttyq jobasynyń sheńberinde iske asyryldy.