Eger gúl 18 460 teńgeden assa para retinde qarastyrylýy múmkin
Qazaqstan Respýblıkasynyń Sybaılas jemqorlyqqa qarsy is-qımyl agenttigi (Antıkor) muǵalimderge 1 qyrkúıekte jáne basqa da merekelerde gúlder men syılyqtardy qabyldaýǵa bola ma degen suraqqa túsinikteme berdi, dep habarlaıdy aqshamnews.kz
Antıkordyń málimetinshe, muǵalimder Qylmystyq kodekstiń 366-baby ("Para alý") boıynsha qylmystyq jaýapkershilikke tartylmaıdy, óıtkeni olar memlekettik fýnksıalardy oryndaýǵa ýákiletti tulǵalarǵa, jaýapty memlekettik qyzmet atqaratyn tulǵalarǵa nemese laýazymdy tulǵalarǵa jatpaıdy.
Sonymen qatar, Qylmystyq kodekste muǵalimderge qatysty 247-bap ("Zańsyz syıaqy alý") bar.
"1 qyrkúıekte, sondaı-aq basqa da merekelerde oqýshylar, ujym nemese úshinshi tulǵalar muǵalimderge gúl shoqtaryn nemese syılyqtardy syıǵa tartýǵa tyıym salynbaǵan, eger muǵalim bul úshin syılaýshynyń paıdasyna qyzmettik ókilettikterimen baılanysty qandaı da bir áreketterdi jasamasa. Degenmen, eger syılyq berý men onyń quny 5 AEK-ten (18 460 teńge) asatyn gúlder men muǵalimniń syılaýshynyń paıdasyna jasaǵan áreketteri arasynda sebep-saldarlyq baılanys anyqtalsa, mundaı syılyq nemese gúl syılaý muǵalimniń Qylmystyq kodekstiń 247-baby boıynsha qylmystyq jaýapkershilikke tartylýyna ákep soǵýy múmkin," – dep habarlady Antıkordyń resmı jaýabynda.