Almaty ákimi Erbolat Dosaev Medeý aýdanynyń turǵyndarymen kezdesý barysynda aýdandaǵy jol ınfraqurylymyn damytý jáne jolaýshylar tasymalynyń sapasyn arttyrý jumystary týraly aıtty, dep habarlaıdy aqshamnews.kz
Qala basshysy jyl sońyna deıin 64 myń sharshy metr jol tósemine aǵymdaǵy jóndeý júrgiziletinin, qazir 43,3 myń sharshy metr asfálttyń jóndelgenin málimdedi.
«Sondaı-aq, 26 kóshedegi 23 km joldy ortasha jóndeý josparlanǵan, onyń 6,6 km joly qazirdiń ózinde jóndeldi. Buǵan qosa, 14,3 km trotýar jáne 17 km aryq jelisin salý jumystary júrgizilýde. Jumysty qarasha aıynda aıaqtaý josparlanyp otyr», - dedi Erbolat Dosaev.
Qoǵamdyq kólik qyzmetiniń sapasyna toqtalǵan Almaty ákimi 2024 jyly 21 marshrýttaǵy avtobýstar jańartylyp, jyljymaly quramnyń sany 280-den 351-ge deıin kóbeıgenin aıtty.
- Jalpy, Almatyda bıyl ortasha jóndeý jumystary 250 km bolatyn 274 kósheni qamtıdy. Osylaısha, jaqsy jáne qanaǵattanarlyq jaǵdaıdaǵy joldardyń úlesin 92%-ǵa deıin jetkizý kózdelgen.
- Sonymen qatar, jergilikti búdjet esebinen gazben júretin 600 avtobýs, 100 elektrli avtobýs jáne 112 troleıbýs satyp alynady. Jeke avtoparkter bıylǵy birinshi jartyjyldyǵynda gazben júretin 150 avtobýs pen 15 elektrli avtobýs satyp aldy.
- Osylaısha, 2024 jyly ekologıalyq taza qoǵamdyq kóliktiń úlesi 53,7%-dan 70%-ǵa deıin artady, al paıdalaný merziminiń ortasha uzaqtyǵy 3 jyldan 2,5 jylǵa deıin qysqarady.
Buǵan qosa, 500 kelýshige arnalǵan jańa emhana salý jáne «Alataý» qalalyq aýrýhanasy men №2 emhana ǵımaraty jańǵyrtylmaq. Bul sharalar qazir aýdannyń 5 emhanasyna júginetin 3 myńnan astam pasıenttiń sapaly medısınalyq qyzmet alýyna septigin tıgizedi.