Kólemi – 50 AEK (184 600 teńge).
Oqý-aǵartý vıse-mınıstri Ospan Edildiń aıtýynsha, oqýshyny qorlaǵan muǵalimderge 200 myń teńgege jýyq aıyppul salynady, dep habarlaıdy Almaty-akshamy.kz
«Elimizde «Pedagog mártebesi týraly» zań qabyldanyp, onda árbir ustazdyń mindeti men jaýapkershiligi naqty aıqyndalǵan. Pedagogıkalyq ádep normalaryn bilý – olardyń kásibı sheberligin, sondaı-aq eńbek tártibin baǵalaý krıterııleriniń biri. Muǵalim ádebin buzý tártiptik áreket bolyp tabylady, ol úshin tártiptik jaýapkershilik kózdelgen.Ákimshilik kodekste mundaı jaýapkershilik qarastyrylǵan. Muǵalimniń oqýshylarǵa psıhologıalyq nemese fızıkalyq zıan keltirgeni rastalsa, ol úshin 50 AEK kóleminde aıyppul salynady», dedi vıse-mınıstr.
Onyń aıtýynsha, mınıstrlikke muǵalimderge qatysty mundaı shaǵymdar jıi túsedi.
Árbir ótinishti bilim sapasy jónindegi komısıa muqıat qaraıdy. Árbir jaǵdaıda qyzmettik tekseris júrgizilip, sharalar qabyldanady. Qazir muǵalimder konkýrstyq negizde jumysqa qabyldanady, onda komısıa naqty úmitkerge muǵalim etıkasyn biletin ne bilmeıtini týraly suraq qoıady, - dedi Ospan Edil.