Zańda muǵalimderdiń kásibı qyzmetine qatysy joq jumystarmen aınalyspaýy kerektigi aıtylǵan.
Májilistegi "Qazaqstan Halyq partıasy" fraksıasynyń músheleri muǵalimderdi saılaýǵa tartpaýdy usyndy, dep habarlaıdy Almaty-akshamy.kz
Májilis depýtaty, fraksıa múshesi Gaýhar Tanasheva vıse-premer – eńbek jáne halyqty áleýmettik qorǵaý mınıstri Tamara Dúısenovaǵa joldaǵan depýtattyq saýalynda muǵalimderdiń saılaýǵa qatysý máselesin qozǵady.
Ol 2022-2023 jyldary elimizde 3 iri saılaý naýqany – referendým, prezıdent saılaýy jáne parlament májilisi men máslıhat depýtattarynyń saılaýy ótkenin eske saldy.
"Bizdiń muǵalimder osy saılaýlardyń barlyǵyna qatysyp, ýaqytyn daıyndyqqa, saılaýdy ótkizýge jáne nátıjelerdi esepteýge arnady. Qazaqstannyń Eńbek kodeksinde, "Bilim týraly" jáne "Pedagog mártebesi týraly" zańdarda muǵalimderdiń kásibı qyzmetine qatysy joq jumystarmen aınalyspaýy kerektigi aıtylǵan. Aldaǵy ýaqytta muǵalim mártebesin tómendetpeı, laıyqty qurmetti ustazdyq kásipti saqtap qalǵymyz kelse, muǵalimderdi saılaýǵa tartpaý máselesin kóterýimiz kerek", - dedi Tanasheva.
Osyǵan baılanysty depýtattar muǵalimderdiń saılaýǵa qatysýyn shekteýdi, mektep ǵımarattarynda saılaý ýchaskelerin ornalastyrmaýdy jáne muǵalimderdi saılaý komısıalarynyń quramyna qospaýdy usyndy.