Mundaı jalaqyny elimizdiń tórt óńirinde jumys isteıtin muǵalimder ala alady
Bilim jáne ǵylym mınıstri Asqat Aımaǵambetov Atyraý, Mańǵystaý, Almaty jáne Túrkistan oblystaryna basqa óńirlerden baratyn muǵalimder eki ese joǵary jalaqy alatynyn aıtty, dep habarlaıdy Almaty-akshamy.kz
Bilim jáne ǵylym mınıstri Asqat Aımaǵambetov pedagogterdi áleýmettik qoldaý baǵdarlamasy bıylǵy qyrkúıek aıynan bastalatynyn aıtty.
«Qarastyrylyp otyrǵan 3,9 mlrd teńge eki máseleni de qamtyp otyr. Birinshiden, muǵalimderdiń eki ese jalaqy alýy jáne buǵan qosa turǵyn úı jaldaý men komýnaldyq shyǵyndardy tóleý eskerilgen. Nege biz bul máseleni jalaqynyń ishinde qarastyryp otyrmyz? Bizdiń zańnamaǵa sáıkes, turǵyn úı jaldaý men komýnaldyq tólemaqyny tek jergilikti búdjetten bere alamyz. Sondyqtan jergilikti búdjetke aýyrpalyq túsirmeý úshin jáne zańnamany buzbaý úshin bul máseleni jalaqy arqyly sheship otyrmyz. Máselen, Munaıly aýdanyna kóship baratyn muǵalim qyrkúıek aıynda jalaqy alatyn bolsa, onda onyń jalaqysy 790 myń teńgege jýyq bolady. Sol 790 myńnyń 140 myńǵa jýyǵy komýnaldyq shyǵyndar bolady, al 650 myń teńgege jýyǵy - muǵalimniń óz jalaqysy», - dedi mınıstr.
Mınıstrdiń aıtýynsha, bul másele vedomstvonyń buıryǵynda jáne muǵalimniń alǵan túbirteginde jazylatynyn atap ótti.