Qazaqstan Respýblıkasynyń Úkimeti respýblıkalyq menshiktiń keıbir máseleleri týraly qaýly qabyldady, dep habarlaıdy Almaty-akshamy.kz Primeminister.kz-ke silteme jasap.
«Kóliktik servıs ortalyǵy» aksıonerlik qoǵamynyń (KSO) aksıalary paketiniń 100%-yn syıǵa tartý sharty boıynsha respýblıkalyq menshikke berý týraly «Temir Trıýmf» JSHS-niń usynysy qabyldansyn», — delingen Qaýly mátininde.
«KSO» AQ Qazaqstandaǵy 400-den astam temirjol kirme joldarynyń teńgerim ustaýshysy ekenin atap ótken jón. Sondaı-aq syıǵa tartý sharty boıynsha «Integrity Solutions» JSHS aqparattyq-kommýnıkasıalyq salada qyzmet kórsetetin «Soft Art» JSHS jarǵylyq kapıtalyndaǵy qatysý úlesiniń 50%-yn respýblıkalyq menshikke beredi. «Bridge capital investments limited» jeke kompanıasy memleketke taý-ken jáne óńdeý ónerkásibi salalarynda jumys isteıtin «Akmolıt» JSHS, «Marhıt» JSHS, «Topaz-NS» JSHS jarǵylyq kapıtaldaryndaǵy qatysý úlesteriniń 100%-yn beredi.
«KSO» AQ aksıalary jáne atalǵan seriktestikterdiń jarǵylyq kapıtaldaryndaǵy qatysý úlesteri «Samuryq-Qazyna» ulttyq ál-aýqat qory» aksıonerlik qoǵamynyń ornalastyrylatyn aksıalaryna tóleýge beriledi, delingen qaýlyda. Qaýly qol qoıylǵan kúnnen bastap qoldanysqa engiziledi.