Ulttyq testileý ortalyǵy Qazaqstanda muǵalimderdiń bilimin baǵalaý synaǵyna ótinish qabyldaý bastalǵanyn málimdedi.
Ótinish 6-10 shilde aralyǵynda app.testcenter.kz saıtynda qabyldanady, dep habarlaıdy Almaty-akshamy.kz.
Eskertý: bos oryndar qalmaǵan jaǵdaıda ótinish qabyldaý merziminen buryn aıaqtalady.
Al pedagogtyń bilimin baǵalaý emtıhany 10-19 shildege josparlanǵan.
Bilim baǵalaý synaǵyna kelesi toptar qatysa alady:
mektepke deıingi tárbıe men oqytý uıymdarynyń pedagogteri;
bilim berý uıymdarynyń ádiskerleri (ádistemelik kabınetterdiń (ortalyqtardyń) ádiskerlerinen basqa);
jalpy orta bilim berý uıymdarynyń pedagogteri;
qosymsha bilim berý uıymdarynyń (ınternattyq uıymdardyń, jataqhanalardyń tárbıeshileri, arnaıy uıymdardyń tárbıeshileri úshin) pedagogteri;
bilim berý uıymdarynyń, ádistemelik kabınetterdiń (ortalyqtardyń) basshylary;
tehnıkalyq jáne kásiptik, orta bilimnen keıingi bilim berý uıymdarynyń (jalpy bilim beretin pánder boıynsha, sondaı-aq jalpy kásiptik jáne arnaıy, jalpy gýmanıtarlyq jáne áleýmettik-ekonomıkalyq pánder boıynsha) pedagogteri;
pedagogıkalyq baǵyttar boıynsha joo jáne kolej bitirýshi túlekteri (kúndizgi bakalavrıat, qysqartylǵan bakalavrıat, magıstratýra);
pedagogıkalyq (mamandyqtar) baǵyttar boıynsha tehnıkalyq jáne kásiptik, joǵary jáne/nemese joǵary oqý ornynan keıingi bilimi bar, tájirıbesi joq kandıdattar (onyń ishinde 2022 jylǵy túlekter);
pedagogıkalyq qyzmetti qaıta jalǵastyrǵysy keletin tulǵalar.