Eldi mekenderge qaýip joq.
Almaty oblysy Balqash aýdanynda Qaraoı aýylynan 30 km jerde qamys órtendi, dep habarlaıdy Almaty -akshamy.kz Egemen.kz-ke silteme jasap.
«6 shildede saǵat 21.00-de Almaty oblysy TJD kezekshi bólimine Balqash aýdanynda Qaraoı aýylynan 30 km jerde, «İle-Balqash» MTR» RMM aýmaǵyndaǵy jekelegen araldarda qamys órtengeni týraly habarlama kelip tústi. Oqıǵa ornyna kelgen órt sóndirýshiler eki kordon aýmaǵynda qamys órtin anyqtady», delingen Almaty oblysy TJD baspasóz qyzmetiniń habarlamasynda.
Búgin saǵat 03.30-da «Vagon» kordonyndaǵy órt oqshaýlandy. Naýryzbaı kordonyndaǵy órttiń aýmaǵy 20 ga quraıdy.
Órtti sóndirýge «İle-Balqash» MTR» RMM jáne Almaty oblysy TJD 16 adam, 8 birlik tehnıka, 2 motopompa, 1 júzý quraly jáne 1 ushaqsyz ushý apparaty jumyldyryldy. Eldi mekenderge qaýip joq.