Oqý-aǵartý mınıstriniń mindetin atqarýshy Ǵanı Beısembaev saılaýdaǵy zańsyzdyqtarǵa muǵalimderdiń qatysy týraly pikir bildirdi, dep habarlaıdy Almaty-akshamy.kz QazAqparatqa silteme jasap.
«Birinshiden, saılaý naýqanyna muǵalimderdiń bári túgel qatyspaǵanyn aıtqym keledi. Belgili bir 30 paıyz mólsherinde ǵana... Ekinshiden, "Pedagog mártebesi týraly" zańǵa baılanysty senbi-jeksenbi kúnderi ótken saılaýǵa muǵalimderdi tartýǵa tyıym salynǵany belgili.
Al muǵalim azamat retinde, jumystan tys, "Saılaý týraly zańǵa" baılanysty, zań sheńberinde qatysyp jatsa, oǵan, árıne, biz eshqandaı shekteý qoıa almaıtynymyz belgili.
Deıturǵanmen, "Pedagog mártebesi týraly" zańǵa sáıkes, muǵalimderdiń óz-ózin ustaýy, mádenıeti jaǵynan da mindetti túrde qarap otyrmyz. Áleýmettik jelidegi muǵalimderdiń báıárekettik máselelerge qanshalyqty qatysy bar ekenin tekserý týraly tapsyrma berdim. Sonyń bárin qarap, jiti zerttep, muǵalim be, muǵalim emes pe, onyń bárin anyqtaý kerek dep esepteımin», - dedi ol Májilis kýlýarynda.
Sondaı-aq,vedomstvo basshysy saılaý kezinde qandaı da bir muǵalim tarapynan zań buzylǵany dáleldense, muǵalim ádebi týraly normalar boıynsha tıisti sharalar qoldanylatynynyn túsindirdi.
«Qandaı shara qoldanatynymyz zań buzý áreketiniń deńgeıine baılanysty bolady», - dedi mınıstrdiń mindetin atqarýshy.
BAQ ókilderi Ortalyq saılaý komısıasy muǵalimder tarapynan zań buzylǵanyn resmı máilmdegenin eske salyp, bul keleńsizdikter týraly vedomstvo basshysy ne oılaıtynyn surady.
«Siz durys aıtyp otyrsyz. Ony meniń tarapymnan qurylǵan komısıa anyqtap, usynys berýi kerek. Óıtkeni ár nársege jiti qaraý kerek qoı. Sebebi onyń artynda taǵdyr tur ǵoı. Kez kelgen adam zańsyz jazalanbaýy kerek. Bári ádiletti bolý kerek dep esepteımin. Biz muǵalimderge sonshalyqty deńgeıde, bárine birdeı topyraq shashý durys emes dep oılaımyn. Óıtkeni elimizde 500 myńǵa jýyq muǵalim bar. Belgili bir muǵalimder ondaı áreketterge barsa, búkil muǵalimderge ondaı aıyp taǵý artyq shyǵar», - dedi Ǵanı Beısembaev.