Disney stýdıasynyń «Mýfasa. Arystan patsha» fılminiń qazaq tilindegi gala-tusaýkeseri ótedi
17 jeltoqsan kúni saǵat 19:00-de Almaty qalasyndaǵy MEGA oıyn-saýyq ortalyǵynda Disney stýdıasynyń «Mýfasa. Arystan patsha» anımasıalyq fılminiń gala-tusaýkeser kórsetilimi ótedi. Bul erekshe sharaǵa til janashyrlary, qoǵam qaıratkerleri, depýtattar, dýbláj akterlary, jýrnalıser men blogerler qatysady.
«Qazaq tili» qoǵamynyń bastamasymen bıyldan bastap iri halyqaralyq stýdıalar óz fılmderin qazaq tilinde usynýdy qolǵa aldy. Osy bastama aıasynda Disney stýdıasy «Oıjumbaq 2», «Moana 2» jáne «Mýfasa. Arystan patsha» fılmderin qazaq tiline aýdaryp, dýblájdaý jumystaryn qarjylandyrdy. Qazaq tiliniń halyqaralyq stýdıalar tarapynan qoldaý tapqan álemdik premeralyq tilder qataryna qosylýy – qazaq mádenıeti úshin tarıhı jetistik.
«Oıjumbaq 2» jáne «Moana 2» fılmderiniń qazaq tilindegi dýblájy kasalyq tabys úlesi boıynsha rekord ornatyp, kórermenderdiń zor yqylasyna bólendi. Uıymdastyrýshylar bul bastamanyń qazaq tili men mádenıetin odan ári damytyp, taratýǵa septigin tıgizetinin erekshe atap ótti.
Ótetin oryn men ýaqyty:
- Ótetin orny: Almaty qalasy, Chaplin MEGA kınoteatry (Rozybakıev kóshesi, 247A)
- Ótetin ýaqyty:
- 20:00 – kórsetilimniń bastalýy
Bul shara qazaq tiliniń mártebesin kóterýge baǵyttalǵan mańyzdy qadamdardyń biri. Sizderdi osy tarıhı oqıǵanyń kýási bolýǵa shaqyramyz!
