Qonaev qalasynyń kópbeıindi aýrýhanasynda medısınalyq-sanıtarıalyq alǵashqy kómektiń úzdik praktıkasy ortalyǵy (MSAK) ashyldy.
Ortalyqtyń jumysy halyqqa medısınalyq kómek kórsetý sapasyn jaqsartýǵa baǵyttalatyn bolady, dep habarlaıdy almaty-akshamy.kz.
"Búgin Almaty oblysynda osyndaı ekinshi ortalyq ashylýda. Endi naýqastardyń áleýmettik jaǵdaıyna da erekshe nazar aýdarylatyn bolady. Óıtkeni, ozyq praktıka ortalyǵynyń jumysy otbasylyq medısınaǵa negizdelgen. Ortalyqta bizdiń azamattarǵa keshendi medısınalyq, áleýmettik, psıhologıalyq kómek kórsetiledi", - dedi Almaty oblysy ákiminiń orynbasary Rýstam Isataev.
Óz kezeginde oblystyq densaýlyq saqtaý basqarmasy basshysynyń orynbasary Leıla Serikbaeva qazirgi ýaqytta alǵashqy kómek kórsetý qaǵıdattary aıtarlyqtaı ózgergenin atap ótti.
Onyń aıtýynsha, otbasylyq dárigerler ár saladaǵy medısına qyzmetkerin almastyratyn ýaqyt keledi, aýrýdyń profılaktıkasy qyzmetteriniń sany artady. Ókinishke oraı, jyldan jylǵa zorlyq-zombylyqqa ushyraǵan analar men balalardyń sany artyp keledi. Sondyqtan bizdiń qoǵamdaǵy áleýmettik qyzmetkerlerdiń róli óte mańyzdy, psıhıkalyq densaýlyq birinshi orynǵa shyǵady.
Jalpy, jańa mekemede 13 joba iske asyryldy. Olardyń ekeýi medısına qyzmetkerleriniń qyzmetine baǵyttalǵan, qalǵandary halyqpen, pasıenttermen jumys isteýge negizdelgen. Onyń ishinde "Halyq keńesi" jobasy da bar. Osy jobanyń sheńberinde medısına qyzmetkerleri kelip túsken shaǵymdar men usynystar boıynsha halyqpen keri baılanys ornatatyn bolady.
Sodan keıin Qazaqstanda ozyq praktıka ortalyǵynyń ádisnamasyn engizgen profesor, "Primary Health Care" QR Ulttyq medısınalyq alǵashqy kómek qaýymdastyǵynyń prezıdenti Tólebaı Rakypbekov Dúnıejúzilik densaýlyq saqtaý uıymy bul jobany Eýropanyń 53 elinde álemdegi alǵashqy demonstrasıalyq platforma retinde usynǵanyn atap ótti. Elimizdegi alǵashqy osyndaı ortalyq Eńbekshiqazaq aýdanynda ashyldy, jaqyn bolashaqta osyndaı ortalyq Kegen aýdanynda da paıda bolady.