Maldyń jaıyna qanyq Mońǵolıany jut ábden tyǵyryqqa tiredi.
Byltyr jyl aıaǵynda Mońǵolıada qoı, eshki, jylqy jáne sıyrdy qosqanda barlyǵy 65 mıllıonǵa jýyq bas mal bolǵan. Qysta sonyń 1 jarym mıllıony qyrylyp qaldy. Óıtkeni aıaz 50 gradýsqa deıin kóterilgen. Jalpy elde mundaı juttyń eń irisi 2010-2011 jyldary bolyp, 10 mln bas mal qyrylsa, 2022-2023 jyldary 4 jarym mln mal aıazda qatyp qalǵan, dep habarlaıdy Almaty-akshamy.kz.
«Budan da aýyr kezeńderdi bastan ótkerdik. Bıyl qys ózinshe qatty boldy. Ózim baǵyp otyrǵan 2 sıyrymdy jut jutyp ketti. Qazir endi qalǵanyn jaıylymǵa shyǵarmaı, qorada ustap otyrmyz», - malshy Hosbaıar.