Endi qazaqstandyqtardyń mobıldi aýdarymdaryna shekteý qoıylady, dep habarlaıdy aqshamnews.kz.
Bul týraly Qarjy mınıstrliginiń Memlekettik kirister departamenti habarlady.
Mindetti deklarasıalaýdyń tórtinshi kezeńi joıylǵannan keıin keıbir kásipkerler qaıtadan belsendi túrde klıentterden aýdarymdardy qabyldaı bastaǵan. Memlekettik kirister komıteti taldaý krıterıılerin ózgertip, mobıldi aýdarymdar sanyn ǵana emes, olardyń jalpy kólemin de eskerýdi josparlap otyr. Endi mobıldi aýdarymdardyń jalpy sany ǵana emes, sondaı-aq olardyń jalpy kólemi de esepke alynady.
Ersaıyn Kóptileýuly, QR Qarjy mınıstrligi Jeke tulǵalardyń kiristerin ákimshilendirý basqarmasynyń bas sarapshysy:
Bizde mobıldi aýdarymdardy baqylaý boıynsha ólshemshart belgilengen. Ólshemshart negizinde aı saıyn úsh aı qatarynan 100 nemese odan kóp tulǵalardan mobıldi aýdarymdar arqyly tólem qabyldaǵan jaıdaıda atalǵan jeke tulǵalar nazarǵa iligetin bolady. Atalǵan málimetterdi ekinshi deńgeıli bankter usynatyn bolady.
Ólshemsharttyń kólemi 255 myń teńge. Iaǵnı, bir aıda 100 nemese odan kóp tulǵadan mobıldi aýdarymdar arqyly 255 myń teńge tólem jasalsa, demek ol adam jasyryn bıznespen aınalysady degen sóz. Eger bıznespen aınalysyp, tabys tabatyn adam kásipker retinde tirkelmese, oǵan 15 AEK kóleminde aıyppul salynady. Zań buzýshy bir jyl ishinde qaıta ustalyp qalsa, aıyppuly mólsheri 30 AEK-ke deıin ósedi.