Reseıde 30-dan asa adamnyń ólimine sebepshi bolǵan sýsyn Qazaqstanda satylymnan alynyp tastaldy, dep habarlaıdy Almaty-akshamy.kz sanıtarlyq-epıdemıologıalyq baqylaý komıtetine silteme jasap.
Sońǵy birneshe kún boıy Reseıdiń Samara qalasynda ornalasqan «ANDI» jaýapkershiligi shekteýli qoǵamy óndiretin «Mıster Sıdr» dep atalatyn alkogoli az sýsyndy tutynǵandar jappaı ýlanǵan.
Keshe atalǵan ishimdikten ýlanyp, kóz jumǵandar sany 32-ge jetti. Jalpy, 90 adam qazir aýrýhanada jatyr, onyń otyzynyń jaǵdaıy óte aýyr.
Osyǵan baılanysty sanıtarlyq-epıdemıologıalyq baqylaý komıteti alkogól ónimin ımporttaýshylar men ótkizýshilerdi habardar etý jáne mán-jaı anyqtalǵanǵa deıin atalǵan ónimdi satylymnan ýaqytsha alyp tastaý qajettigin aıtyp, aýmaqtyq departamentterge tapsyrma berdi.
Komıtet istiń egjeı-tegjeıi anyqtalǵanǵa deıin joǵaryda atalǵan ónimdi paıdalanýdan bas tartýǵa jáne mundaı ónim satylyp jatsa, ol jaıly komıtetke nemese obektiniń ornalasqan jeri boıynsha aýmaqtyq bólimshelerge dereý habarlaýǵa shaqyrady.