Helga Shmıd Astana halyqaralyq forýmyna qatysýǵa shaqyrǵany úshin Qasym-Jomart Toqaevqa alǵys aıtty, dep habarlaıdy Almaty-akshamy.kz.
– Durys aıtasyz. Qazir kúrdeli kezeń dep oılaımyn. Qıyndyqtarǵa qaramastan, EQYU biregeı dıalog alańy retinde qyzmetin jalǵastyra beredi. Sondaı-aq Qazaqstannyń Eýropadaǵy qaýipsizdik jáne yntymaqtastyq uıymyndaǵy belsendi rólin oń baǵalaımyn. Siz Astana samıti týraly aıtyp óttińiz. Men ol jıynǵa qatystym. Durys aıtasyz, bul sońǵy samıt boldy. Astana deklarasıasy, shyn máninde, uıymnyń qyzmetin retteıtin mańyzdy qujattardyń biri. Men Astana forýmynda sóıleıtin sózińizdi asyǵa kútemin. Qazir mámilege kelý úshin bir-birimizdiń pikirimizge qulaq asý óte mańyzdy dep oılaımyn. EQYU-nyń negizi mindeti de – osy, – dedi EQYU Bas hatshysy.
Kezdesýde Qazaqstan men EQYU arasyndaǵy yntymaqtastyqtyń qazirgi jaı-kúıi men onyń damý perspektıvalary talqylandy. Sondaı-aq aımaqtyq jáne jahandyq kún tártibindegi ózekti máseleler qarastyryldy.