Búgin Úkimet otyrysynda Ulttyq ekonomıka mınıstri Álibek Qýantyrov ekonomıkalyq ósimdi qamtamasyz etý úshin mınıstrler men ákimder nazar aýdarýy tıis is-sharalardy atady, dep habarlaıdy Almaty-akshamy.kz.
«Ekonomıkalyq ósýdi qamtamasyz etý maqsatynda ortalyq jáne jergilikti atqarýshy organdarǵa kelesi is-sharalarǵa nazar aýdarý usynylady. Ýaqytyly egin jınaýdy jáne qurylys jumystarynyń maýsymyn tıimdi júrgizýdi qamtamasyz etý, eksporttyń ósýin qalpyna keltirý úshin qosymsha sharalar qabyldaý jáne balamaly baǵyttardy tıimdi paıdalaný qajet», - dedi mınıstr.
Sonymen qatar ol belsendi túrde ınvestısıa tartý jáne búdjet qarajatyn tıimdi ıgerý máselesine de nazar aýdartty.
«Áleýmettik mańyzy bar azyq-túlik taýarlary baǵalarynyń ósýin boldyrmaý boıynsha is-sharalar qabyldaý jáne turaqty monıtorıń júrgizý kerek. Turaqty jáne ýaqytsha jumyspen qamtý is-sharalaryn qoldaý arqyly eńbek naryǵyndaǵy turaqtylyqty qamtamasyz etý qajet», - dedi Álibek Qýantyrov.