Aıda Balaeva bul týraly Facebook-tegi paraqshasynda jazdy.
QR Mádenıet jáne aqparat mınıstri Aıda Balaeva óz áriptesterin "Aýyl kitaphanalaryna 100 kitap" atty aksıaǵa qatysýǵa shaqyrdy, dep habarlaıdy Almaty-akshamy.kz
"Memleket basshysy Ulttyq quryltaıda kitap máselesine erekshe toqtalyp ótkeni belgili. Prezıdent óz sózinde: "Shyn máninde kitap oqıtyn el zıaly ultqa aınalady. Biz jas urpaqtyń kitapqa qushtarlyǵyn oıatýymyz kerek" degen bolatyn. Osy oraıda, "Aýyl kitaphanalaryna 100 kitap" atty aksıa bastadyq", dedi Aıda Balaeva.
Mınıstr jekeleı ózi Abaı Qunanbaıulynyń aýyly Qaraýylǵa jáne Qanysh Sátbaevtyń aýyly Baıanaýylǵa jáne óz týǵan aýylyna álem jáne qazaq ádebıetiniń úzdik shyǵarmalaryn, tanymdyq-aǵartýshylyq ádebıetterdi tartý etkenin atap ótti.
"Bul aksıany ózge de áriptesterim, mınıstrler qoldap, qazirdiń ózinde birneshe aýylǵa kitap jetkizip úlgerdi. Máselen, İshki ister mınıstri Erjan Saparbekuly, Aýyl sharýashylyǵy mınıstri Aıdarbek Seıpiluly, Eńbek jáne halyqty áleýmettik qorǵaý mınıstri Svetlana Qabykenqyzy, Sıfrlyq damý, ınovasıalar jáne aeroǵarysh ónerkásibi mınıstri bolǵan Baǵdat Batyrbekuly jeke atsalysyp, elimizdiń birqatar óńirindegi aýyl kitaphanalaryna 100 kitaptan tabys etýde", dep jazdy mınıstr.