Ulttyq ekonomıka mınıstri Álibek Qýantyrov qysta terezeni nemese balkondy ashý arqyly páterdegi jylýdy rettemeýge shaqyrdy.
Ol úshin arnaýly qurylǵylardy ornatyp, energıany únemdeýge bolatynyn aıtty, dep habarlaıdy Almaty-akshamy.kz Ulysmedia.kz-ke silteme jasap.
«20-21 gradýsty quraıtyn qalypty normalarǵa úırený kerek. Qysta bul temperatýra qalypty dep sanaımyz, sebebi resýrstardy únemdeý qajet. Bizdiń elde adamdar úıdegi joǵary temperatýraǵa úırenip alǵan. Munyń saldary jylý berý jelilerine tym joǵary salmaq túsirip otyr», - dedi Á. Qýantyrov.
Onyń aıtýynsha, jylýdyń qalypty deńgeıi 21 gradýs shamasynda.
“Alaıda turǵyndar qysta 23-25 gradýs jylýǵa úırenip qalǵandyqtan, temperatýrany tıisti normaǵa túsirgende, shaǵymdana bastaıdy”, – dedi mınıstr.