Serbıanyń Belgrad qalasynda álemniń 9 elinen 98 oqýshy qatysqan eýropalyq geografıalyq olımpıada (EGeO) aıaqtaldy.
Oǵan 6 oqýshydan turatyn Qazaqstan ulttyq quramasy da qatysyp, 6 medal jeńip aldy, dep habarlaıdy Almaty-akshamy.kz QazAqparatqa silteme jasap.
Jeńimpaz oqýshylar:
- Aqtóbe qalasynyń fızıka-matematıka baǵytyndaǵy Nazarbaev zıatkerlik mektebiniń (FMB NZB) 11-synyp oqýshysy Sanjar Hamıtov –– altyn medal;
- Astana qalasynyń NZM 11-synyp oqýshysy Aıda Davletova –– kúmis medal;
- Shymkent qalasynyń hımıa-bıologıa baǵytyndaǵy Nazarbaev zıatkerlik mektebi (HBB NZM) 10-synyp oqýshysy Qanat Serikbaı –– kúmis medal;
- Shymkent qalasynyń HBB NZM 10-synyp oqýshysy Ársen Sydyqov –– qola medal;
- Aqtóbe qalasynyń FMB NZM 10-synyp oqýshysy Álıhan Qalmaǵambetov –– qola medal;
- Jambyl oblystyq daryndy balalarǵa arnalǵan mamandandyrylǵan «Daryn» lıseı-ınternatynyń 10-synyp oqýshysy Sabyr Jomart –– qola medal.
«EGeO 2015 jyldan beri ótkizilip keledi. Olımpıada jazbasha testileý, mýltımedıalyq test jáne dalalyq týrdy qamtıdy. Tapsyrmalar tek aǵylshyn tilinde berildi», – deıdi top jetekshisi Abaı Dúısen.
Aıta keteıik, ótken jyly qurama komanda 1 altyn, 1 kúmis jáne 4 qola medal jeńip alǵan bolatyn.