Oqý-aǵartý mınıstri Ǵanı Beısembaev oqý jylynyń aıaqtalýyna oraı quttyqtaý joldady.
«Qurmetti ustazdar, oqýshylar, túlekter jáne ata-analar!
Sizderdi oqý jylynyń aıaqtalýymen shyn júrekten quttyqtaımyn. Búgin 3,7 mln-nan astam oqýshy oqý jylyn aıaqtap jatyr. Bıyl bilim berý tarıhynda alǵash ret oqý kezeńi 31 mamyrda aıaqtalyp otyr. Pedagogterdiń, ata-analardyń, oqýshylardyń, kadrlardyń birlese qoldaýynyń arqasynda biz oqý jylyn tabysty aıaqtadyq. Bilim sapasyn jaqsartý qajettiliginen týyndaǵan bul ózgeristi túsinistikpen qabyldap, shydamdylyq pen qoldaý tanytqan árbir muǵalimge, ata-anaǵa, oqýshyǵa shyn júrekten alǵys bildiremin! Bıylǵy mektep bitirý saltanaty balalardy qorǵaý kúnimen tuspa-tus kelip otyr. Bala - otbasynyń, qoǵamnyń, memlekettiń eń qymbattysy, bolashaǵymyzdyń úkili úmiti. Bul merekeli kúni balalarymyzdyń balalyq shaǵyn quqyqtary men múddelerin qorǵaýdyń, olardyń jan-jaqty damýy úshin teń múmkindikti qamtamasyz etýdiń mańyzdylyǵyn atap ótkim keledi.
Qymbatty oqýshylar, sizderdi osy oqý jylynda bilimde, sportta, ónerde, shyǵarmashylyqta jetistikterge qol jetkizdińizder. Bul jetistik shákir pen ustazdyń birlesken eńbeginiń jemisi. Sondyqtan búgingi jaqsy lebiz ben quttyqtaýlar da ustazdar úshin arnalady. Árbir balanyń jeke tulǵa retinde bolashaǵynyń negizin óz mektebinde qalaǵany belgili. Aǵartýshylyq mısıasyn adal atqaryp kele jatqan árbir pedogog árqashan álemdegi eń qurmetti maman ıeleri bolyp qala beredi», dedi Ǵanı Beısembaev.
Sondaı-aq ol búgin 11 synypty bitirýshi 172 myń túlek úshin ómirleriniń eń mańyzdy, jarqyn kezeńi bastalǵanyn aıtty.
«Bul kún bir jaǵynan qýanyshty bolǵanmen, ekinshi jaǵynan mektep bitirý emhandary aldyndaǵy qobaljýly sátter. Sizderdiń árqaısylaryńyz ulttyq biryńǵaı testileýden sátti ótip, jaqsy nátıje kórsetedi dep senemin. Kolejder men kásiptik tehnıka túlekteri úshin de jańa múmkindikterge jol ashyldy. Sizder sapaly bilim alyp qana qoımaı, óz bilimderińiz ben bilikterińizdi tájirıbede qoldanýdy úırendińizder.
Qadirli túlekterimizge aq jol tileımin! Sizder elimizdiń ulttyq dástúrlerin, tarıhı jáne mádenı qundylyqtaryn qasterlep, onyń ǵasyrlarǵa amanattalýyna jaýapty bolatyn, táýelsiz Qazaqstannyń ıgiligi úshin eńbek etetin sanaly urpaq bolady dep senemin. Emtıhandardy sátti tapsyrýlaryńyzǵa jáne barlyq maqsattaryńyzdyń oryndalýyna tilektespin!», dedi mınıstr.