Qorǵanys mınıstri Rýslan Jaqsylyqov Májilistiń jalpy otyrysynyń kýlýarynda áskerge shaqyrtý týraly aıtty, dep habarlaıdy Almaty-akshamy.kz
«Shaqyrtý kampanıasyna atqarýshy bılik jaýap beredi. Biz olardy tizimmen qamtamasyz etemiz. Áskerı boryshyn óteýden jaltarǵan adamdy zań boıynsha shaqyrtýymyz qajet. Biz tek zań aıasynda ǵana áreket etemiz. Qazirgi jastardyń oılaý júıesi basqasha. Eger sen elińniń naǵyz patrıoty bolsań, áskerge barýyń kerek. Áskerge barmaıdy, al túngi klýbqa barady. Densaýlyǵy túngi klýbqa baryp, kóńil kóterýge jetedi eken. Al Otan aldyndaǵy boryshyn atqarýǵa jetpeı me?» - dedi Rýslan Jaqsylyqov.
Ol shaqyrtýdan jaltarǵan jastardy zań aıasynda izdep, qorǵanys departamentine sheshim qabyldaý úshin alyp keletinin aıtty.
Mınıstr áskerge barmaıtyn jastardyń tárbıesine qatysty da pikir aıtty.
«Ol jastardy naǵyz erkek qylyp tárbıeleý keregin aıtty. Ol ózi úshin de, óziniń otbasy úshin de, Otany úshin de jaýapkershilik ala bilýi kerek. Túngi klýbtarǵa baryp, qydyryp júretinderdi erkek dep aıtýǵa bolmaıdy», - dedi Rýslan Jaqsylyqov.