Tótenshe jaǵdaılar mınıstri Mınıstrliktiń qurylymdyq bólimsheleriniń basshylary quramymen Almaty qalasyna jumys saparymen keldi.
Sapar barysynda Aqsaı ózeniniń baseınindegi selden qorǵaý qurylysy tekserildi, Respýblıkalyq jedel-qutqarý jasaǵynyń ortalyq bazasynda boldy, onda TJM basshylyǵyna kınologıalyq eseptortary, avarıalyq-qutqarý tehnıkasy men jabdyqtary kórsetildi, dep habarlaıdy Almaty-akshamy.kz cala mınıstrligine silteme jasap.
Sol kúni «Tikushaq aılaǵy» polıgonynyń aýmaǵynda vedomstvo basshysy TJ-ny joıý jónindegi jedel qalalyq shtabtyń jumysyn óristetýdi, megapolıstiń azamattyq qorǵaý qyzmetteriniń, TJM Azamattyq qorǵanys polkiniń kúshteri men quraldarynyń daıyndyǵyn, bólimsheler arasyndaǵy baılanystyń uıymdastyrylýyn tekserdi.
Polıgon bazasynda shartty túrde baspanasyz qalǵan halyqqa arnalǵan shatyrly lager, TJM Apattar medısınasy ortalyǵynyń jyljymaly gospıtaly, medısınalyq kómek kórsetý úshin 109 qutqarý qyzmeti ornalastyryldy.
Ári qaraı, olardyń materıaldyq-tehnıkalyq jaǵdaıymen tanysý úshin megapolıstiń órt sóndirý bólimshelerine bardy. Jumys saparynyń sońynda Alataý aýdanyn qorǵaýdy qamtamasyz etetin Rysqulov dańǵyly boıyndaǵy jóndeýden ótken mamandandyrylǵan jasaqqa bardy.
Qazirgi ýaqytta megapolıstiń órtten qorǵalýyn 20 órt sóndirý bólimshesi qamtamasyz etedi. Órt qaýipsizdigin nyǵaıtý jáne týyndaǵan TJ-ǵa ýaqtyly den qoıý maqsatynda tolyq qamtylý úshin taǵy 15 órt deposy salýynýy qajet.
Aıta keteıik, Almaty qalasyn damytýdyń 2025 jylǵa deıingi baǵdarlamasy boıynsha bıylǵy jyly megapolıstiń Túrksib (Shyǵys qaqpasy sh/a), Naýryzbaı (Shuǵyla sh/a.) jáne Naýryzbaı aýdandarynda (Qaraǵaıly sh/a.) taǵy 3 órt sóndirý deposyn salý kózdelip otyr.
Mınıstr tótenshe jaǵdaılarǵa tıimdi den qoıý jáne olardyń aldyn alý maqsatynda jedel qyzmetter men jergilikti atqarýshy organdar arasyndaǵy úılesimdi jumystyń basymdyǵyna nazar aýdara otyryp, birqatar naqty tapsyrmalardy belgiledi.