Jýyrda Almaty qalasyndaǵy tergeý ızolátoryna shaqyrtý boıynsha kelgen "jedel járdem" feldsheri ózimen birge tyıym salynǵan zattar ala kelgen.
Almatyda tergeý ızolátoryna telefon tasyǵan feldsher ustaldy, dep habarlaıdy Almaty-akshamy.kz Polisia.kz-ke silteme jasap.
– QR QK-niń 188-babynyń 3-bóligimen (Birneshe ret urlyq jasaý) sottalǵan 41 jastaǵy jigitke "jedel járdem" shaqyrtylǵan bolatyn. Jedel kómek kórsetý úshin kelgen "jedel járdem" brıgadasyn tekserý kezinde R. atty feldsherden ártúrli markadaǵy 4 telefon men 145 myń aqsha tabyldy, – dep habarlaıdy Almaty qalasy qylmystyq-atqarý júıesi departamentiniń baspasóz qyzmeti.
Sottalǵan K. esimdi azamat sol kúni tergeý ızolátorynyń qyzmetkerlerine «búıregim aýyrdy» dep shaǵymdanǵan. Oǵan jedel medısınalyq kómek kórsetý úshin feldsherge jetkizý kezinde sottalǵan K-niń qaltasynan da selofanǵa oralǵan untaq pen ótkir ıisti shóp tabyldy. Sot-hımıalyq saraptama qorytyndysy boıynsha, onyń qaltasynan tabylǵan zattardyń 78,66 gram gashısh pen 15,20 gram keptirilgen marıhýana ekendigi anyqtaldy. Atalǵan faktiler boıynsha Almaty qalasy Túrksib aýdandyq polısıa basqarmasynan jedel tergeý toby shaqyrtylyp, qazir tergep-tekserý sharalary júrgizilip jatyr.