Tekserý qorytyndysy boıynsha barlyǵy 300-den astam zań buzýshylyq anyqtaldy.
Memleket basshysynyń tapsyrmasyn iske asyrý sheńberinde prokýratýra organdary kólik joldary salasynyń jaı-kúıin tekserýdiń qorytyndysyn shyǵardy. Bul týraly Almaty-akshamy.kz. Azattyq Ruhy-na silteme jasap habarlaıdy.
Buǵan deıin baspasózde kólik joldaryn salý jáne jóndeý kezinde jymqyrý jáne sybaılas jemqorlyqtyń kóptegen faktileri anyqtalǵandyǵy týraly habarlandy. Quqyq buzýshylyqtar búdjet qarajatyn zańsyz shyǵarý sqemalarynda kóbinese bir merdiger uıymdary bolǵan.
«Osyndaı fırmalardyń biriniń ókilderi Aqmola óńiriniń Qoıandy kentinde 907 mln teńgege kúrdeli jóndeý jáne jergilikti jol qurylysyn jasamaǵandyǵy belgili boldy. Búgingi kúni shart buzyldy, óńirdegi prokýrorlar sotqa deıingi tergep-tekserýge bastamashylyq jasap, onyń sheńberinde qylmystyq quqyq buzýshylyq jasaýdyń mán-jaılary anyqtalýda.
Soltústik Qazaqstan oblysynda oblystyq joldardy jóndeýge bólingen 423 mln teńgeni jymqyrdy degen aıyppen Ǵ. Músirepov atyndaǵy aýdan ákimdiginiń jáne jergilikti merdiger mekemeniń basshylary qamaýǵa alynyp, jaýapqa tartyldy. Jumystardy qabyldaý týraly jalǵan aktiler boıynsha joldyń joqtyǵyna qaramastan, mıllıondaǵan memlekettik qarjyny aýdarǵan», - delingen habarlamada.
Prokýratýranyń habarlaýynsha, memlekettik satyp alý kezinde ónim jetkizýshiler tańdaý kezeńi avtojoldar salasyndaǵy neǵurlym jemqorlyqpen baılanysty bolyp sanaldy.
Máselen, aýdan prokýrorlarynyń aralasýynan keıin Arshaly aýdany ákimdiginiń Bólim basshysy Ekaterınbýrg-Almaty avtobanynan Bersýat aýylyna deıingi ýchaskeni kúrdeli jóndeý boıynsha 1,1 mlrd teńgege zańsyz shart jasasqany úshin teris sebeptermen jumystan bosatylǵan bolatyn.
Prokýrorlar búdjettiń negizsiz shyǵyndarynyń jolyn kesýge erekshe nazar aýdarady.
«Shyǵys Qazaqstan oblysynyń Altaı aýdanynda jóndelgen ýchaskege 148 mln teńgeden astam búdjet qarajatyn artyq jumsaý faktisiniń aldy alyndy jáne basshylyq býyndaǵy kináli laýazymdy tulǵa laıyqty tártiptik jazaǵa tartyldy.
Tekserý qorytyndysy boıynsha barlyǵy 300-den astam zań buzýshylyq anyqtaldy, 30 mlrd teńge somasyna búdjet shyǵyndarynyń aldyn aldy, memleket kirisine 2,5 mlrd teńge óteldi, 29 qylmystyq is qozǵaldy, 305 adam tártiptik jáne ákimshilik jaýapkershilikke tartyldy.
Joldardyń qanaǵattanarlyqsyz jaǵdaıyna orynsyz josparlaý, ınovasıalardy enjar engizý, beriktigi joǵary materıaldarǵa únemdeý jáne t.b. yqpal etip otyr», - delingen prokýratýra habarlamasynda.
Osyǵan baılanysty, Bas prokýratýra Úkimetke qaralyp jatqan sheteldik ozyq tájirıbege negizdelgen kólik joldary salasyn túbegeıli ózgertý boıynsha usynystarmen qadaǵalaý aktisin engizdi.