Búgin Májilistiń jalpy otyrysynda depýtat Maqsat Rahmanqulov Úkimet basshysyna osy jóninde depýtattyq saýal joldady.
Onyń aıtýynsha, ulttyq kompanıalardaǵy top-menedjerlerdiń jalaqysy men syıaqysy óte joǵary. Soǵan qaramastan, kompanıalar shyǵynǵa batyp, qazynaǵa salmaq salyp otyr, dep habarlaıdy Almaty-akshamy.kz.
- Sondyqtan ulttyq kompanıalar monopolıadan arylyp, tekseristen ótýi tıis, - deıdi depýtat.
«Kóptegen ulttyq kompanıalar men holdıńter, mınıstrlikter men ákimdikterge qarasty seriktestikter bir-biriniń jumysyn qaıtalaıdy nemese jekemenshik kásiporyndar atqaratyn qyzmetterdi oryndaıdy. Kvazımemlekettik sektor kásiporyndaryna tolyqqandy aýdıt júrgizý, top-menedjerlerge tólem jáne syıaqy saıasatyn qaıta qaraý kerek. Sonymen qatar Ulttyq kompanıalardyń barlyq kiristeri men shyǵystaryn búdjettiń bir bóligine aınaldyrý jáne qoǵam men Parlamenttiń jarıa talqylaýy arqyly ótkizý qajet», - dedi QR Parlamenti Májilisiniń depýtaty Maqsat Rahmanqulov.
.