Sońǵy 50 jylda mıkroplastıkamen lastanýdyń eksponensıaldy ósý qarqyny adam mıyndaǵy quramynyń ulǵaıýyna da áser etýi múmkin, ıaǵnı, jyldan jylǵa qorshaǵan ortanyń mıkroplastıkpen lastaný deńgeıiniń ósý kórsetkishi artyp keledi, osyǵan baılanysty adam men ózge de tirshilik ıeleriniń organızimine de jınalatyn mıkroplastık mólsheri arta beredi.
Bul jaıynda islam.kz portaly málimdegen, dep habarlaıdy aqshamnews.kz.
Ǵalymdar bul baǵytta 1997-2024 jyldar aralyǵynda qaıtys bolǵan ondaǵan adam máıitinen alynǵan mı tinderinde mıkro jáne nanoplastıkanyń shoǵyrlaný deńgeıiniń artqanyn anyqtady. Sondaı-aq, mıkroplastık baýyr men búırek úlgilerinen de tabylǵan.
Budan bólek, aljý aýrýyna usharaǵan naýqastar mıynyń mıkroplastıkpen lastaný deńgeıiniń alty ese joǵary keletini de belgili boldy. Mamandar mıdaǵy mıkroplastıkanyń ortasha mólsherin shamamen jeti gram bolatynyn anyqtady. Bul kórsetkish bir jolǵy qoldanylatyn shaı qasyqtyń salmaǵyna teń.
Ortalyq júıke júıesindegi bul bólshekterdiń shoǵyrlaný deńgeıi baýyr men búırekterge qaraǵanda 7-30 ese joǵary bolyp shyqty. Mıkroplastık búginde adamzatqa qaýip tóndirgen lastaýshy zattardyń aldyńǵy qatarynda tur. Buǵan qosa, mıkroplastık tek birde-ekili dertke ǵana qaldyqtyryp qoımaı, nnevrologıalyq, júrek-qan tamyr aýrýlarynan bastap, túsik bolý, qan tamyrlaryn zaqymdaý, t.b. sekildi túrli aýrýlarǵa bastaıdy. Mıǵa shoǵyrlanǵan mıkroplastıktiń mólsheri baýyr men búırekke jáne ózge aǵzalarǵa qaraǵanda joǵary bolatyny anyqtalyp otyr.