Almatyda 7-21 qyrkúıekte álemdik deńgeıdegi aspazdar, Michelin juldyzy ıegerleriniń qatysýymen jyl saıynǵy Almaty crossroads gastronomıalyq asqana festıvali ótedi.
Bıyl festıválde alǵash ret gastronomıa zamanaýı ónermen biriktiriledi. Qonaqtarǵa 15-ten astam meıramhana qyzmet kórsetedi. Munda kelýshilerge avtorlyq jobalar boıynsha erekshe jasalǵan dámdi as mázirleri usynylady, tipti kóshe kafeleri qatyspaq. Jeke blokta halyqaralyq sarapshylarmen Crossroads Talks pikirtalas ótedi. Uıymdastyrýshylar - Almaty Tourism Bureau jáne ABR kompanıasy.
«Almaty Srossroads-bul qalanyń jańa mádenı kelbetin qalyptastyratyn is-shara. Festıvál Almatynyń gastronomıa bilgirleriniń ǵana emes, búgingi zamanaýı óner men kreatıvti ındýstrıaǵa qyzyǵatyndar úshin de erekshe alań bolmaq. Túrli sala ókilderiniń bas qosýy týrıserdiń megapolıske degen qyzyǵýshylyǵyn arttyrady jáne halyqaralyq arenada qalanyń bedelin arttyrýǵa múmkindik beredi», - dep atap ótti Almaty Tourism Bureau dırektory Dıar Asqarov.
Festıvál 2022 jyly qurylǵannan beri Almatynyń mádenı bóligine aınaldy. Bul qalanyń halyqaralyq deńgeıde kórinýine, al qazaqstandyq aspazdar esimderiniń Michelin juldyzdarymen birge jazylýyna yqpal etedi. Sondaı-aq The world's 50 Best Restaurants quramyna engen áriptestermen tize qosyp jumys isteýge múmkindik beredi.